SérfræðistörfHöfuðborgarsvæðið201806/1160Greiningar- og ráðgjafastöð ríkisins

Ráðgjafi - Greiningar- og ráðgjafastöð ríkisins - Kópavogur - 201806/1160

Ráðgjafi

Ráðgjafi óskast til starfa á fagsviði eldri barna á Greiningar- og ráðgjafarstöð ríkisins. Sviðið sinnir börnum á aldrinum 6-18 ára.

Starfssvið
Ráðgjöf og eftirfylgd til fjölskyldna og fagfólks vegna barna með alvarleg þroskafrávik.
Vinna í þverfaglegu teymi og þátttaka í greiningarstarfi. 
Þátttaka í fræðslu- og rannsóknarstarfi.

Menntunar- og hæfniskröfur
Háskólamenntun sem nýtist í starfi, t.d. í þroskaþjálfun, sérkennslu, sálfræði eða iðjuþjálfun.
Þekking og reynsla af vinnu með börnum með alvarleg þroskafrávik og fjölskyldum þeirra
Æskilegt er að viðkomandi hafi þekkingu og reynslu af aðferðum sem byggja á Skipulagðri kennslu (TEACCH) eða sjónrænu skipulagi og stuðningi
Reynsla og/eða þekking á greiningar- og matstækjum varðandi þroska, hegðun, líðan og færni er æskileg
Hæfni í mannlegum samskiptum og til þátttöku í þverfaglegu samstarfi.

Um er að ræða 80-100% starfshlutfall. Laun greiðast skv. kjarasamningi viðkomandi stéttarfélags við ríkissjóð.

Umsóknir, ásamt upplýsingum um menntun og fyrri störf, berist Greiningar- og ráðgjafarstöð ríkisins, Digranesvegi  5, 200 Kópavogi, eða í tölvupósti á [email protected] fyrir 25. júní 2018. Öllum umsóknum verður svarað. 

Vegna kynjasamsetningar á vinnustaðnum eru karlmenn hvattir til að sækja um.

Litið verður svo á að umsóknir gildi í sex mánuði frá því að umsóknarfresti lýkur. 

Upplýsingar um starfið veitir Guðrún Þorsteinsdóttir, sviðstjóri í síma 510-8400 eða á netfang: [email protected] 

Greiningar- og ráðgjafarstöð ríkisins er framsækin stofnun með fjölskylduvæna starfsmannastefnu sem býður m.a. upp á sveigjanlegan vinnutíma. Nýir starfsmenn fá handleiðslu og starfsþjálfun á aðlögunartíma og er lögð áhersla á þróun í starfi og tækifæri til sí- og endurmenntunar. Hlutverk Greiningar- og ráðgjafarstöðvar ríkisins er að tryggja að börn með alvarlegar þroskaskerðingar sem leitt geta til fötlunar síðar á ævinni fái greiningu, ráðgjöf og önnur úrræði sem bæta lífsgæði þeirra.  Sjá nánar á www.greining.is.

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn