SkrifstofustörfHöfuðborgarsvæðið201806/1159Greiningar- og ráðgjafastöð ríkisins

Ritari - Greiningar- og ráðgjafastöð ríkisins - Kópavogur - 201806/1159

Ritari

Ritari óskast til starfa á fagsviði eldri barna á Greiningar- og ráðgjafarstöð ríkisins. Sviðið sinnir börnum á aldrinum 6-18 ára.

Starfssvið
Starfið felst í almennum ritarastörfum, svo og skipulagningu og úrvinnslu verkefna í samvinnu við sérfræðinga sviðsins, t.d. boðun skjólstæðinga, boðun og úrvinnslu funda, símsvörun, útsendingu gagna og öðrum verkefnum sem tengjast starfsemi sviðsins/stofnunarinnar. 

Menntunar- og hæfniskröfur
Menntun og/eða reynsla af ritarastörfum
Almenn tölvukunnátta, góð þekking á Word og Excel. Reynsla af Outlook og GoPro er æskileg.
Leitað er að starfsmanni með góða samskiptahæfni og getu til frumkvæðis og sjálfstæðra vinnubragða.

Um er að ræða 80-100%  starfshlutfall og gott að viðkomandi geti hafið störf í ágúst eða eftir nánara samkomulagi.  Laun greiðast skv. kjarasamningi SFR við ríkissjóð. 

Umsóknir, ásamt upplýsingum um menntun og fyrri störf, berist Greiningar- og ráðgjafarstöð ríkisins, Digranesvegi  5, 200 Kópavogi, eða í tölvupósti á [email protected] fyrir 25. júní 2018. Öllum umsóknum verður svarað. 

Vegna kynjasamsetningar á vinnustaðnum eru karlmenn hvattir til að sækja um.

Litið verður svo á að umsóknir gildi í sex mánuði frá því að umsóknarfresti lýkur. 

Upplýsingar um starfið veitir Guðrún Þorsteinsdóttir, sviðstjóri í síma 510-8400. 

Greiningar- og ráðgjafarstöð ríkisins er framsækin stofnun með fjölskylduvæna starfsmannastefnu sem býður m.a. upp á sveigjanlegan vinnutíma. Nýir starfsmenn fá handleiðslu og starfsþjálfun á aðlögunartíma og er lögð áhersla á þróun í starfi og tækifæri til sí- og endurmenntunar. Hlutverk Greiningar- og ráðgjafarstöðvar ríkisins er að tryggja að börn með alvarlegar þroskaskerðingar sem leitt geta til fötlunar síðar á ævinni fái greiningu, ráðgjöf og önnur úrræði sem bæta lífsgæði þeirra. Sjá nánar á www.greining.is.


Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn