SérfræðistörfHöfuðborgarsvæðið201806/1156Lögreglustjórinn á höfuðborgarsvæðinu

Saksóknarfulltrúar - Lögreglustjórinn á höfuðborgarsvæðinu - Reykjavík - 201806/1156

Ákærendur / 2 stöður saksóknarfulltrúa Lögreglan á höfuðborgarsvæðinu
 
Leitað er að metnaðarfullum og öflugum lögfræðingum til starfa á ákærusviði lögreglunnar á höfuðborgarsvæðinu. Á sviðinu starfa hátt á annan tug lögfræðinga sem aðstoðarsaksóknarar eða saksóknarfulltrúar sem ákærendur en þeir eru lögreglustjóra til aðstoðar við framkvæmd ákæruvalds sem skilgreint er í lögum um meðferð sakamála nr. 88/2008. Hlutverk þeirra er að tryggja, í samvinnu við lögreglu, að þeir sem afbrot fremja verði beittir lögmæltum viðurlögum. 

Ákærendum ber að leiðbeina lögreglumönnum um framkvæmd rannsóknar og gefa fyrirmæli um framkvæmd hennar eftir því sem við á sem og að tryggja að fylgt sé fyrirmælum laga um rannsóknir mála og að gætt sé grundvallar mannréttinda við rannsóknir. Að lokinni rannsókn tekur ákærandi ákvörðun um afdrif máls. Sjá nánar um hlutverk ákærenda hér. Sjá nánar um lögregluna á höfuðborgarsvæðinu hér

Helstu verkefni og ábyrgð
Dagleg verkefni lúta að sérfræðilegri greiningu viðfangsefna og samskiptum við aðila og stofnanir í tengslum við meðferð máls og úrlausn mála. Saksóknarfulltrúi vinnur sjálfstætt og/eða í hópi að krefjandi verkefnum og býr yfir talsverðri faglegri sérþekkingu í starfi, hefur leiðbeiningar- og þjónustuhlutverk og stýrir verkefnum. Undir starfið getur t.d. fallið verkefnastjórnun, þátttaka í rannsóknum sakamála og saksóknarmeðferð á grundvelli laga um meðferð sakamála. 

Hæfnikröfur
- Embættis- eða meistarapróf í lögfræði er forsenda 
- Reynsla af rannsókn og saksókn sakamála er æskileg
- Reynsla af málflutningi fyrir héraðsdómstólum er nauðsynleg
- Reynsla af stjórnun verkefna og á öðrum tilgreindum ábyrgðarsviðum er æskileg 

Aðrar hæfnikröfur
- Mjög góð samstarfsfærni og jákvætt viðhorf
- Sjálfstæði í samskiptum og vinnu, frumkvæði og skipulagshæfni
- Lausnamiðuð nálgun í starfi og metnaður til að ná árangri
- Góð hæfni til að miðla upplýsingum
- Mjög gott vald á íslensku, talaðri og ritaðri
- Mjög gott vald á ensku, talaðri og ritaðri

Þess er vænst að umsækjendur hafi reynslu af störfum þar sem reynt hefur á hæfni sem óskað er eftir. 

Um störfin gildir að óskað er eftir að umsókn fylgi greinargóð ferilskrá yfir menntun og fyrri störf, staðfesting á námi og kynningarbréf þar sem umsækjandi gerir grein fyrir ástæðu umsóknarinnar og útskýrir atriði í ferilskrá betur, eftir því sem hann telur þörf á. 

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Stéttarfélag lögfræðinga hafa gert.
Umsóknir sem berast eftir að umsóknarfresti lýkur verða ekki teknar til greina. Öllum umsækjendum verður svarað þegar ákvörðun um ráðningu hefur verið tekin.

Starfshlutfall er 100%
Umsóknarfrestur er til og með 25.06.2018

Nánari upplýsingar veitir
Hulda Elsa Björgvinsdóttir - [email protected] - 444-1000
Eygló Huld Jónsdóttir - [email protected] - 444-1000

Smelltu hér til að sækja um starfið


 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn