SérfræðistörfVestfirðir201806/1169Lögreglustjórinn á Vestfjörðum

Aðstoðaryfirlögregluþjónn

Aðstoðaryfirlögregluþjónn - Lögreglustjórinn á Vestfjörðum – Patreksfirði

Lögreglustjórinn á Vestfjörðum auglýsir lausa til umsóknar stöðu aðstoðaryfirlögregluþjóns við embættið, með aðsetur á Patreksfirði.  Miðað er við að lögreglustjóri setji í stöðuna til reynslu í 12 mánuði frá 1. september 2018 með skipun í huga að reynslutíma loknum. 

Umsækjandi skal hafa lokið prófi frá Lögregluskóla ríkisins og hafa starfað sem lögreglumaður í minnsta kosti 5 ár að prófi loknu, sbr. 2. mgr. 14. gr. reglugerðar um starfsstig innan lögreglunnar nr. 1051/2006.
Í ljósi ríkjandi kynjahlutfalls innan lögreglu og jafnréttisáætlunar lögreglunnar á Vestfjörðum eru konur sérstaklega hvattar til að sækja um.

Ábyrgð og helstu verkefni
Aðstoðaryfirlögregluþjónn fer með daglega stjórn og ábyrgð á einni af þeim þremur lögreglustöðvum í umdæmi Lögreglustjórans á Vestfjörðum, n.t.t. á Patreksfirði,  svo og með tilteknum verkefnum sem honum eru falin og krefjast sérstakrar þekkingar, þjálfunar og eða menntunar, þ.m.t. rannsókn einstakra mála og aðstoð við saksókn.
Aðstoðaryfirlögregluþjónn hefur eftirlit með því að reglum og fyrirmælum sé framfylgt, hefur umsjón með tækja- og tæknibúnaði lögreglustöðvarinnar á Patreksfirði og að fjárhagslegur rekstur lögreglustöðvarinnar sé innan fjárheimilda. 
Aðstoðaryfirlögregluþjónn er yfirlögregluþjóni til aðstoðar og staðgengill hans.  

Hæfnikröfur
Nauðsynlegt er að umsækjandi hafi reynslu og menntun í rannsókn sakamála og hafi hlotið til þess þjálfun.  Æskilegt er að umsækjendur búi yfir stjórnendareynslu.  
Góð hæfni til mannlegra samskipta er nauðsynleg.  Skipulagshæfileikar, frumkvæði, sjálfstæði og nákvæmni í vinnubrögðum eru mikilvægir eiginleikar.  Í starfi reynir á hæfni til samstarfs við aðra stjórnendur og ákærendur embættisins.  
Skilyrði er að aðstoðaryfirlögregluþjónn hafi búsetu í Vesturbyggð eða Tálknafjarðarhreppi.

Frekari upplýsingar um starfið
Laun eru samkvæmt kjarasamningi sem fjármála- og efnahagsráðherra og Landssambands lögreglumanna hafa gert.
Umsóknum ásamt upplýsingum um menntun og starfsferil skal skilað til Lögreglustjórans á Vestfjörðum, Hafnarstræti 1, 400 Ísafirði eða í gegnum umsokn[email protected]

Umsóknarfrestur er til og með 30. júní 2018.  Umsóknir sem berast eftir að umsóknarfresti lýkur verða ekki teknar til greina.  Öllum umsækjendum verður svarað þegar ákvörðun um setningu hefur verið tekin.

Nánari upplýsingar veita
Hlynur Snorrason, yfirlögregluþjónn, s: 444-0404 eða [email protected]

Ísafirði, 8. júní  2018.
Lögreglustjórinn á Vestfjörðum

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn