HeilbrigðisþjónustaHöfuðborgarsvæðið201806/1144Landspítali

Hjúkrunarfræðingur - Landspítali, dagdeild Hjartagáttar - Reykjavík - 201806/1144

Hjúkrunarfræðingur - Dagdeild Hjartagáttar við Hringbraut 
 
Við leitum eftir hjúkrunarfræðingi sem hefur áhuga á að sinna hjartasjúklingum fyrir og eftir aðgerðir á hjartaþræðingarstofu. Á deildinni dvelja sjúklingar fyrir og eftir rannsóknir og aðgerðir eins og gangráðsísetningu, kransæðaþræðingu, kransæðavíkkun og aðgerðir á leiðslukerfi hjartans. 

Dagdeildin er hluti af Hjartagátt þar sem starfa um 50 manns sem veita bráðaþjónustu við hjartasjúklinga. Deildin er opin virka daga frá kl. 7:30 til 20:00. Um tvenns konar vaktir er að ræða, annars vegar frá kl. 7:30-15:30 og hins vegar frá kl. 12:00-20:00. Starfið er laust frá 1. september 2018 eða nánara eftir samkomulagi.

Helstu verkefni og ábyrgð
» Móttaka og undirbúningur innkallaðra sjúklinga sem eru að fara í aðgerðir á þræðingarstofu (hjartaþræðingar, gangráðsísetningar, brennslur og fleiri minni aðgerðir sem gerðar eru á kransæðastofu)
» Ákveða, skipuleggja og veita hjúkrunarmeðferð
» Vöktun og hjúkrun sjúklinga eftir aðgerðir á hjartaþræðingarstofu
» Fræðsla og undirbúningur útskriftar
» Þátttaka í þverfaglegri teymisvinnu

Hæfnikröfur
» Sjálfstæð og skipulögð vinnubrögð
» Faglegur metnaður
» Góð samskiptahæfni og hæfni til að starfa í teymi 
» Íslenskt hjúkrunarleyfi

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Öllum umsóknum verður svarað. Tekið er mið af jafnréttisstefnu LSH við ráðningar á spítalanum. 

Umsókn fylgi náms- og starfsferilskrá ásamt afriti af prófskírteinum og starfsleyfi.

Landspítali er lifandi og fjölbreyttur vinnustaður þar sem yfir 5.500 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 100%
Umsóknarfrestur er til og með 25.06.2018

Nánari upplýsingar veitir
Björg Sigurðardóttir - [email protected] - 824 5255
Harpa Júlía Sævarsdóttir - [email protected] - 825 9512

LSH Hjartagátt
Hringbraut
101 Reykjavík


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn