TæknistörfHöfuðborgarsvæðið201806/1149Landspítali

Pípulagningamaður/verkstjóri - Landspítali, fasteignadeild - Reykjavík - 201806/1149

Pípulagningamaður/ verkstjóri - Fasteignadeild Landspítala

Rekstrarsvið Landspítala auglýsir laust til umsóknar fullt starf verkstjóra í Fossvogsumdæmi Landspítala á fasteignadeild. Starfið er laust nú þegar eða eftir nánara samkomulagi. 
Á fasteignadeild starfa um 40 starfsmenn sem sinna viðhaldi alls húsnæðis Landspítala auk þess að vinna að margs konar breytingum. Verkefnin eru því fjölbreytt og krefjandi og oft unnin við aðstæður sem markast af þeirri þjónustu sem Landspítali veitir.

Leitað er eftir sjálfstæðum einstaklingi með reynslu af verkstjórn og lipurð í mannlegum samskiptum sem lokið hefur sveinsprófi í pípulögnum.

Helstu verkefni og ábyrgð
» Almennt viðhald pípulagningakerfa, vatns- og gaslagna í umsjón pípulagningaverkstæðis ásamt því að vinna að breytingum og í framkvæmdaverkefnum

Hæfnikröfur
» Sveinspróf í pípulögnum
» Meistararéttindi æskileg
» Reynsla af verkstjórn
» Frumkvæði og sjálfstæð vinnubrögð
» Geta sinnt daglegri stjórn samstarfsmanna í afmörkuðum verkefnum
» Lipurð í mannlegum samskiptum

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag iðn- og tæknigreina hafa gert.
Öllum umsóknum verður svarað þegar ákvörðun um ráðningu hefur verið tekin. Tekið er mið af jafnréttisstefnu LSH við ráðningar á spítalanum.

Umsókn fylgi náms- og starfsferilskrá.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Landspítali er lifandi og fjölbreyttur vinnustaður þar sem yfir 5.500 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 100%
Umsóknarfrestur er til og með 25.06.2018

Nánari upplýsingar veitir
Valur Sveinbjörnsson - [email protected] - 543 5274
Viktor Ellertsson - [email protected] - 543 1517

LSH Pípulagningaverkstæði H
Hringbraut
101 Reykjavík


Smelltu hér til að sækja um starfið

 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn