SérfræðistörfHöfuðborgarsvæðið201807/1355Seðlabanki Íslands

Hagfræðingur

Hagfræðingur
Seðlabanki Íslands óskar eftir að ráða tímabundið í stöðu hagfræðing á hagfræði- og peningastefnusviði bankans. Um er að ræða 100% starfshlutfall með starfsstöð í Reykjavík.

Hagfræði- og peningastefnusvið annast rannsóknir og greiningu á þróun efnahags- og peningamála, gerir þjóðhags- og verðbólguspár og tekur þátt í mótun stefnunnar í peningamálum. Hagfræði- og peningastefnusvið hefur m.a. umsjón með útgáfu ársfjórðungsritsins Peningamála og enskri útgáfu þess Monetary Bulletin.

Helstu verkefni og ábyrgð
- Almennar rannsóknir, einkum á sviði peninga- og þjóðhagfræði.
- Þátttaka í gerð verðbólgu- og þjóðhagsspáa bankans.
- Vinna í tengslum við greiningu og skrif í Peningamál. 
- Fylgjast með framvindu efnahagsmála, greina gögn og skrifa um niðurstöður.
- Tilfallandi verkefni og ráðgjöf á ábyrgðasviðum Seðlabankans.

Hæfnikröfur
- A.m.k. meistarapróf í hagfræði.
- Gott vald á mæltu og rituðu máli, bæði íslensku og ensku.
- Góð hæfni í að setja fram fræðileg efni á skýran hátt.
- Nákvæmni í vinnubrögðum og góðir skipulagshæfileikar.
- Jákvæðni og góðir samskiptahæfileikar.

Frekari upplýsingar um starfið
Sótt er um starfið á heimasíðu Seðlabanka Íslands, www.sedlabanki.is, umsóknarfrestur er til og með 23. júlí 2018. Við ráðningar í störf hjá Seðlabanka Íslands er tekið mið af jafnréttisstefnu og jafnréttisáætlun bankans. Umsóknir gilda í sex mánuði og öllum umsóknum verður svarað þegar ákvörðun um ráðningu hefur verið tekin.

Laun greiðast samkvæmt kjarasamningi samtaka starfsmanna fjármálafyrirtækja. 

Starfshlutfall er 100%
Umsóknarfrestur er til og með 23.07.2018

Nánari upplýsingar veitir
Þórarinn G. Pétursson, framkvæmdastjóri hagfræði- og peningastefnusviðs og aðalhagfræðingur bankans, netfang: [email protected], og Íris Guðrún Ragnarsdóttir mannauðsstjóri, netfang [email protected].

Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn