Önnur störfHöfuðborgarsvæðið201807/1366Velferðarráðuneytið

Aðstoð í eldhúsi

Aðstoð í eldhúsi

Velferðarráðuneytið leitar að einstaklingi í 75% starf í eldhúsi ráðuneytisins. Viðkomandi mun vinna náið með og aðstoða matráð sem hefur umsjón með eldhúsinu. Í boði er krefjandi og skemmtilegt starf þar sem reynir á samvinnu og þjónustulund. Um er að ræða tímabundið starf í eitt til tvö ár Starfið felst í þátttöku í öllum daglegum störfum í eldhúsinu, allt frá eldamennsku og þrifum á vinnusvæði til þess að ná markmiðum um góðan og hollan mat í heilbrigðu og þægilegu umhverfi þar sem ríkir notalegur andi. 

Gerðar eru kröfur um að viðkomandi hafi reynslu af sambærilegum störfum í eldhúsi. Einnig eru gerðar kröfur um að viðkomandi sé góður í mannlegum samskiptum, áreiðanlegur, samviskusamur og umhugað um að standa sig vel í starfi. 

Um launakjör fer samkvæmt kjarasamningi fjármála- og efnahagsráðherra og Félags starfsmanna Stjórnarráðsins. Nánari upplýsingar veitir Böðvar Héðinsson, staðgengill skrifstofustjóra á skrifstofu rekstrar og innri þjónustu, netfang [email protected].

Umsóknir ásamt upplýsingum um fyrri störf skulu berast velferðarráðuneytinu á netfangið: [email protected] eða í Skógarhlíð 6, 105 Reykjavík eigi síðar en 22. júlí nk. Æskilegt er að viðkomandi geti hafið störf um miðjan ágúst. Öllum umsóknum verður svarað þegar ákvörðun um ráðningu hefur verið tekin.


Velferðarráðuneytinu, 7. júlí 2018.


 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn