HeilbrigðisþjónustaHöfuðborgarsvæðið201807/1340Landspítali

Aðstoðardeildarstjóri við sjúkraþjálfun

Aðstoðardeildarstjóri við Sjúkraþjálfun Landspítala Hringbraut
Landspítali leitar eftir kraftmiklum og skipulögðum sjúkraþjálfara í starf aðstoðardeildarstjóra sjúkraþjálfunar við Hringbraut. Viðkomandi þarf að hafa afburða samskipta- og leiðtogahæfni og eiga auðvelt með að vinna í teymi. Starfið felur í sér skipulag og stjórnun fjölbreyttrar starfsemi í nánu samstarfi og umboði yfirsjúkraþjálfara Landspítala, auk klínískra starfa. 

Sjúkraþjálfun við Hringbraut sinnir bráðadeildum og göngudeildum ásamt gæsluvöktum á kvöldin og um helgar. Á deildinni starfa um 20 manns og er lögð áhersla á náið samstarf fagstétta og teymisvinnu. Við leggum ríka áherslu á að taka vel á móti nýjum starfsmönnum.

Helstu verkefni og ábyrgð
» Starfsmannamál og rekstur í umboði yfirsjúkraþjálfara Landspítala 
» Skipuleggur sjúkraþjálfun á starfsstöð í samræmi við stefnu, gildi og markmið Landspítala
» Hvetur til rannsókna og vísindastarfs í sjúkraþjálfun í samráði við yfirsjúkraþjálfara Landspítala
» Er yfirsjúkraþjálfara Landspítala til ráðgjafar/aðstoðar í stefnumótun, faglegri þróun og gæðastarfi í sjúkraþjálfun á Landspítala
» Stjórnar innleiðingu og aðlögun klínískra leiðbeininga að starfsemi sjúkraþjálfunar á starfsstöð

Hæfnikröfur
» Íslenskt starfsleyfi sem sjúkraþjálfari 
» Sveigjanleiki og hæfni í mannlegum samskiptum sem og teymisvinnu
» Áhugi og reynsla af stjórnun, umbóta- og gæðastarfi 
» Viðbótarnám sem nýtist í starfi æskilegt 
» Leiðtogahæfni og metnaður til að ná árangri
» Skipulagshæfileikar og frumkvæði í starfi

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag sjúkraþjálfara hafa gert.
Öllum umsóknum verður svarað. Tekið er mið af jafnréttisstefnu LSH við ráðningar á spítalanum. Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Umsókn fylgi náms- og starfsferilskrá ásamt afriti af prófskírteinum og starfsleyfi. Við hvetjum karla jafnt sem konur til að sækja um starfið.

Landspítali er lifandi og fjölbreyttur vinnustaður þar sem yfir 5.500 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.
Starfshlutfall er 80 - 100%
Umsóknarfrestur er til og með 23.07.2018
Nánari upplýsingar veitir
Ragnheiður S Einarsdóttir - [email protected] - 543 9306


LSH Sjúkraþjálfun
Hringbraut
101 Reykjavík


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn