HeilbrigðisþjónustaHöfuðborgarsvæðið201807/1338Landspítali

Hjúkrunarfræðingur/ teymisstjóri

Hjúkrunarfræðingur/ teymisstjóri
Flæðisvið Landspítala óskar eftir að ráða öflugan og áhugasaman teymisstjóra/ hjúkrunarfræðing á öldrunarlækningadeild A Landakoti. Í boði er spennandi starf sem felur í sér teymisstjórn þverfaglegs teymis heilbrigðisstétta við meðferð og endurhæfingu aldraðra. 

Öldrunarlækningadeild A er 20 rúma meðferðar- og endurhæfingardeild. Meginstarf deildarinnar er meðferð og endurhæfing aldraðra með áherslu á hjarta og lungasjúklinga. Markmiðið er að auka hæfni einstaklingsins til þess að takast á við athafnir daglegs lífs og/ eða auka líkamlega, andlega og félagslega færni þeirra.
Á deildinni starfa um 30 manns í þverfaglegu teymi. Velkomið er að kíkja í heimsókn. Áhugasamir hafið samband við Unni deildarstjóra.

Helstu verkefni og ábyrgð
» Ákveða, skipuleggja og veita hjúkrunarmeðferð í samráði við skjólstæðing og bera ábyrgð á meðferð
» Skipuleggja og veita fræðslu til sjúklinga og aðstandenda
» Þátttaka og uppbygging á þverfaglegri teymisvinnu
» Stuðla að hvetjandi og jákvæðu starfsumhverfi og stöðugri liðsheild
» Umsjón með öruggri, árangursríkri og gagnreyndri þjónustu við skjólstæðinga teymisins samkvæmt gildum Landspítala

Hæfnikröfur
» Jákvætt viðmót og góðir samskiptahæfileikar
» Faglegur metnaður, frumkvæði og sjálfstæði í vinnubrögðum
» Hæfni og geta til að starfa í teymi
» Íslenskt hjúkrunarleyfi

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Öllum umsóknum verður svarað. Tekið er mið af jafnréttisstefnu LSH við ráðningar á spítalanum.
Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Umsókn fylgi náms- og starfsferilskrá ásamt afriti af prófskírteinum og starfsleyfi.

Landspítali er lifandi og fjölbreyttur vinnustaður þar sem yfir 5.500 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.
Starfshlutfall er 80 - 100%
Umsóknarfrestur er til og með 08.08.2018

Nánari upplýsingar veitir
Unnur Guðfinna Guðmundsdóttir - [email protected] - 824 4630
Bára Benediktsdóttir - [email protected] - 824 5909


LSH Öldrunarlækningadeild A
v/Túngötu
101 Reykjavík


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn