HeilbrigðisþjónustaHöfuðborgarsvæðið201807/1341Landspítali

Hjúkrunarfræðingur á bráða- og göngudeild

Hjúkrunarfræðingur - Spennandi og lærdómsríkt starf á bráða- og göngudeild 
Vegna aukinna umsvifa viljum við fjölga í öflugum starfsmannahópi um 2 stöðugildi hjúkrunarfræðinga. Starfshlutfall er samkomulag, æskilegt að umsækjendur geti hafið störf sem fyrst eða eftir nánara samkomulagi. Við hvetjum karlmenn jafnt sem konur til að sækja um starfið.

Á bráða- og göngudeild G3 fer fram móttaka og hjúkrun sjúklinga á öllum aldri vegna og slysa og sjúkdóma. Spennandi og áhugaverð verkefni og tækifæri til að þróast í starfi. Deildin er opin alla daga ársins frá kl. 8:00-23:30. Unnið er á tvískiptum vöktum. Auk þess mun hjúkrunarfræðingur sinna þessum sjúklingahópi á næturnar með viðveru á bráðadeild G2. 

Deildin er þátttakandi í tilraunaverkefni innan Landspítala um sveigjanlegra vinnufyrirkomulag hjúkrunarfræðinga í vaktavinnu, með undirbúnings- og frágangstíma og viðbragðsvöktum sem hluta af vinnuskyldu. Markmið verkefnisins er að bæta mönnun og starfsumhverfi hjúkrunarfræðinga á sólarhringsdeildum í bráðaþjónustu.

Góður starfsandi er ríkjandi á deildinni. Við tökum vel á móti nýjum starfsmönnum og veitum góða aðlögun. Velkomið að kíkja í heimsókn, áhugasamir hafið samband við Bryndísi Guðjónsdóttur, deildarstjóra.

Helstu verkefni og ábyrgð
» Ákveða, skipuleggja og veita hjúkrunarmeðferð
» Skráning hjúkrunar í samræmi við reglur Landspítala
» Fylgjast með nýjungum á sviði hjúkrunar
» Þátttaka í þverfaglegri teymisvinnu

Hæfnikröfur
» Faglegur metnaður
» Jákvætt viðmót og góð samskiptahæfni
» Starfsreynsla æskileg
» Hæfni og geta til að starfa í teymi
» Góð íslenskukunnátta
» Íslenskt hjúkrunarleyfi

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Öllum umsóknum verður svarað. Tekið er mið af jafnréttisstefnu LSH við ráðningar á spítalanum. 
Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Umsóknum fylgi náms- og starfsferilskrá ásamt starfsleyfi. Ákvörðun um ráðningu byggist á innsendum gögnum og viðtölum. 

Landspítali er lifandi og fjölbreyttur vinnustaður þar sem yfir 5.500 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 70 - 100%
Umsóknarfrestur er til og með 23.07.2018

Nánari upplýsingar veitir
Bryndís Guðjónsdóttir - [email protected] - 825 3777
Sólveig Wium - [email protected] - 825 3786


LSH Bráða- og göngudeild
Fossvogi
108 Reykjavík


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn