HeilbrigðisþjónustaHöfuðborgarsvæðið201807/1348Landspítalinn

Sjúkraliðar á meðgöngu- og sængurlegudeild

Sjúkraliðar óskast á meðgöngu- og sængurlegudeild
Laus eru til umsóknar störf sjúkraliða á meðgöngu- og sængurlegudeild á kvenna- og barnasviði Landspítala. Starfshlutfall er 80-100%.

Við sækjumst eftir sjúkraliðum sem eru framúrskarandi í mannlegum samskiptum, eru sjálfstæðir í vinnubrögðum og eiga auðvelt með að vinna í teymi. Um er að ræða störf í dagvinnu og/eða vaktavinnu (dagar/kvöld/helgar) sem eru í mótun. Ráðið verður í störfin frá 1. ágúst 2018 eða eftir samkomulagi.

Deildin sinnir heilbrigðum og veikum konum í sængurlegu eftir fæðingu. Einnig annast deildin konur sem þurfa innlögn og náið eftirlit á meðgöngu og við missi á meðgöngu við 12-22 vikur. Veitt er fagleg umönnun með fjölskylduhjúkrun að leiðarljósi.

Helstu verkefni og ábyrgð
» Umönnun og eftirlit skjólstæðinga í samvinnu við aðra fagaðila
» Sérhæfð verkefni tengd nýburaskimunum
» Ábyrgð og umsjón með aðbúnaði, m.a. frágangur, áfyllingar og birgðaumsjón
» Virk þátttaka í teymis- og umbótastarfi

Hæfnikröfur
» Faglegur metnaður, frumkvæði og ábyrgð í starfi
» Jákvætt viðmót, sveigjanleiki og góðir samskiptahæfileikar
» Hæfni til að sinna almennum og sérhæfðari verkefnum sjúkraliða
» Íslenskt sjúkraliðaleyfi

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Sjúkraliðafélag Íslands hafa gert.
Öllum umsóknum verður svarað. Tekið er mið af jafnréttisstefnu LSH við ráðningar á spítalanum.
Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. Um er að ræða 2 stöðugildi.

Umsókn fylgi náms- og starfsferilskrá ásamt afriti af prófskírteinum og starfsleyfi.

Landspítali er lifandi og fjölbreyttur vinnustaður þar sem yfir 5.500 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 70 - 100%
Umsóknarfrestur er til og með 23.07.2018

Nánari upplýsingar veitir
Hilda Friðfinnsdóttir - [email protected] - 825 9594

 

LSH Meðgöngu- og sængurlegudeild
Hringbraut
101 Reykjavík

Smelltu hér til að sækja um starfið

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn