SkrifstofustörfHöfuðborgarsvæðið201807/1381Útlendingastofnun

Sérfræðingur í skjalavörslu

Sérfræðingur
Útlendingastofnun óskar eftir að ráða sérfræðing í skjalavörslu. Um er að ræða krefjandi en áhugavert framtíðarstarf. 

Helstu verkefni og ábyrgð
Verksvið er þvert á svið stofnunarinnar og felst meðal annarst í móttöku, skráningu, varðveislu, skönnun og miðlun skjala, svörun fyrirspurna, upplýsingaleit og öðrum tilfallandi verkefnum. Stofnunin notar GoPro hópvinnukerfið.

Hæfnikröfur
Stúdentspróf og/eða önnur menntun sem nýtist í starfi.
Reynsla af starfi í skjalavörslu, móttöku og frágangi skjala.
Góð almenn tölvukunnátta.
Þekking á GoPro er kostur.
Góð kunnátta í íslensku og ensku 
Færni í mannlegum samskiptum og þjónustulund
Sjálfstæði í vinnubrögðum og teymisvinnu
Frumkvæði og metnaður í starfi

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og SFR - stéttarfélag í almannaþjónustu hafa gert.
Í boði er krefjandi starf í krefjandi umhverfi sem reynir á öguð vinnubrögð, ábyrgð og sjálfstæði. Öllum umsóknum verður svarað þegar ákvörðun um ráðningu hefur verið tekin. Tekið skal fram að umsóknir geta gilt í sex mánuði frá því að umsóknarfrestur rennur út sbr. reglur nr. 464/1996 um auglýsingar á lausum störfum, með síðari breytingum. 
Umsóknir skal annaðhvort senda til Útlendingastofnunar á netfangið [email protected] eða rafrænt hér að neðan. Ef umsókn er send á [email protected] telst hún ekki móttekin fyrr en Útlendingastofnun hefur staðfest móttöku hennar. Umsóknir sem berast eftir að umsóknarfrestur er liðinn verða ekki teknar til afgreiðslu.

Útlendingastofnun er ein af undirstofnunum dómsmálaráðuneytisins og starfar samkvæmt lögum nr. 80/2016 um útlendinga, reglugerð um útlendinga nr. 540/2017 og reglugerð um vegabréfsáritanir nr. 1160/2010. Útlendingalöggjöfin gildir um heimild útlendinga til að koma til landsins og dvelja hér á landi en útlendingur telst hver sá sem ekki er íslenskur ríkisborgari samkvæmt lögum um íslenskan ríkisborgararétt.

Umfangsmesti þátturinn í starfsemi Útlendingastofnunar er útgáfa dvalarleyfa. Útlendingastofnun afgreiðir allar umsóknir um dvalarleyfi, hvort sem um er að ræða dvalarleyfi á grundvelli atvinnuþátttöku eða t.d. fjölskyldusameiningar, námsvistar eða vistráðningar, vegabréfsáritanir og umsóknir um alþjóðlega vernd.
Hjá Útlendingastofnun starfa um 90 starfsmenn á tveimur starfsstöðvum, á Dalvegi 18 í Kópavogi og Bæjarhrauni 18 í Hafnarfirði.
Nánari upplýsingar um starfið veitir Hanna Þóra Hauksdóttir mannauðsstjóri, netfang [email protected].

Starfshlutfall er 100%
Umsóknarfrestur er til og með 30.07.2018

Nánari upplýsingar veitir
Hanna Þóra Hauksdóttir - [email protected] - 4440900


UTL Útlendingastofnun (06398)
Dalvegur 18,
201 Kópavogur


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn