HeilbrigðisþjónustaHöfuðborgarsvæðið201808/1503Heilsugæsla höfuðborgarsvæðisins

Hjúkrunarfræðingur við Heilsugæsluna Garðabæ


Hjúkrunarfræðingur

Heilsugæslan Garðabæ auglýsir eftir hjúkrunarfræðingi til starfa við skólahjúkrun og hjúkrunarmóttöku. Um 100% ótímabundið starf er að ræða og þarf viðkomandi að geta hafið störf sem fyrst eða eftir nánara samkomulagi. 

Á starfsstöðinni voru nýlega gerðar breytingar á skipulagi og rekstri sem miða að því að auka þjónustu við notendur, nýta betur fjármuni og að bæta vinnuumhverfi starfsmanna. Til að gera þjónustuna markvissari hefur aukin áhersla verið lögð á þverfaglega teymisvinnu, auk þess sem aðferðafræði straumlínustjórnunar hefur verið innleidd. Í þessu breytta skipulagi mun starfsfólk fá aukið sjálfstæði til að móta starfsemina og til að útfæra þjónustu sem mætir þörfum íbúa og uppfyllir um leið kröfur um árangur samkvæmt mælingum og mati.

Helstu verkefni og ábyrgð
Starfssvið hjúkrunarfræðinga í heilsugæslu er mjög fjölbreytt. Meginverkefni í þessu starfi eru skólaheilsugæsla og hjúkrunarmóttaka.

Skólahjúkrunarfræðingur sinnir reglubundnu heilbrigðiseftirliti nemenda og fræðslu. Auk þess sinnir hann öðrum viðfangsefnum sem upp kunna að koma í samstarfi við annað starfsfólk skólans og foreldra eftir þörfum hverju sinni. Skólahjúkrunarfræðingar á stöðinni starfa í samvinnu við fjölskylduteymi Garðabæjar, þverfaglegs teymis sem samhæfir aðgerðir fyrir fjölskyldur barna með ýmiskonar vanda. 

Hjúkrunarmóttakan sinnir fólki á öllum aldri og skiptist í opna móttöku, bókaða móttöku og símaráðgjöf. Í opinni móttöku er tekið á móti bráðaerindum, í bókaðri móttöku er tekið á móti erindum sem eru ekki bráð s.s. ferðamannaheilsuvernd og sárameðferð. Einnig er boðið upp á lífsstíls- og sykursýkisráðgjöf. Mikil þróun á sér stað í hjúkrunarmóttöku á Heilsugæslunni í Garðabæ, þar sem markmiðið er að veita sem besta þjónustu.

Hæfnikröfur
- Íslenskt hjúkrunarleyfi
- Framúrskarandi samskiptahæfni
- Faglegur metnaður og áhugi á að vinna með börnum
- Sjálfstæði í starfi
- Reynsla af heilsugæsluhjúkrun æskileg
- Reynsla af og áhugi á teymisvinnu
- Reynsla af bráða- og slysamóttöku er kostur
- Góð íslenskukunnátta 

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Umsókn skal fylgja ítarleg náms- og starfsferilsskrá ásamt kynningarbréfi þar sem gerð er grein fyrir ástæðu umsóknar. Jafnframt skal leggja fram leyfisbréf og staðfestar upplýsingar um menntun.

Mat á hæfni umsækjenda byggist á innsendum gögnum og viðtölum við umsækjendur. Gögn sem ekki er hægt að senda rafrænt skulu berast Svövu Þorkelsdóttur, framkvæmdarstjóra mannauðs og nýliðunar Heilsugæslu höfuðborgarsvæðisins, Álfabakka 16, 109 Reykjavík.

Öllum umsóknum verður svarað þegar ákvörðun um ráðningu hefur verið tekin. Umsókn getur gilt í 6 mánuði. Tekið er mið af jafnréttisstefnu Heilsugæslu höfuðborgarsvæðisins við ráðningu í starfið. 

Starfshlutfall er 100%
Umsóknarfrestur er til og með 27.08.2018

Nánari upplýsingar veitir
Margrét Björnsdóttir - [email protected] - 513-5500
Ásmundur Jónasson - [email protected] - 513-5500

HH Garðabæ hjúkrun
Garðatorgi 7
210 Garðabær


Smelltu hér til að sækja um starfið

 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn