HeilbrigðisþjónustaHöfuðborgarsvæðið201808/1505Heilsugæsla höfuðborgarsvæðisins

Hjúkrunarfræðingur við Heilsugæsluna Miðbæ


Hjúkrunarfræðingur

Hjúkrunarfræðingur óskast til starfa við Heilsugæsluna Miðbæ. Um er að ræða 80 - 100% ótímabundið starf frá 1. september 2018 eða eftir nánara samkomulagi. 

Heilsugæslan Miðbæ sinnir fyrst og fremst íbúum í 101 Reykjavík en á stöðina leita einnig fjölmargir með tímabundna búsetu í hverfinu og ferðamenn. Skráðir skjólstæðingar stöðvarinnar eru um 12.000. 

Á heilsugæslustöðinni starfar fjölbreyttur hópur heilbrigðisstarfsmanna. Hjúkrunarfræðingar, ljósmæður, sérfræðingar í heimilislækningum, námslæknar og kandídatar. Einnig eru á stöðinni, læknaritarar, móttökuritarar, sálfræðingar og hreyfistjóri. 

Við leggjum áherslu á góða samvinnu allra starfsstétta og gott aðgengi að þjónustu. Við leggjum einnig áherslu á og viljum efla þjónustu við aldraða í hverfinu svo og sérhæfðar móttökur fyrir ýmsa langvinna sjúkdóma og lífstílstengda kvilla. Bráðaþjónusta er vaxandi á stöðinni og náið samstarf er við félagsþjónustu Reykjavíkur og Þorrasel.

Kennsla heilbrigðisstétta er mikilvægur þáttur í starfi stöðvarinnar. 

Nánari upplýsingar um starfsemi stöðvarinnar má finna á vef Heilsugæslunnar (www.heilsugaeslan.is)

Helstu verkefni og ábyrgð
Starfið er fjölbreytt og felst í heilsugæsluhjúkrun með megináherslu á almenna móttöku á heilsugæslustöðinni, en jafnframt öðrum þáttum heilsugæslunnar svo sem skólaheilsugæslu, ung- og smábarnavernd og heilbrigðisþjónustu aldraðra.

Hæfnikröfur
- Íslenskt hjúkrunarleyfi
- Framúrskarandi samskiptahæfni
- Faglegur metnaður og áhugi á að vinna með fjölskyldum
- Sjálfstæði í starfi
- Reynsla af heilsugæsluhjúkrun æskileg
- Reynsla af og áhugi á teymisvinnu
- Reynsla af bráða- og slysamóttöku er kostur
- Góð íslenskukunnátta 

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Stéttarfélag er Félag íslenskra hjúkrunarfræðinga. 

Umsókn skal fylgja ítarleg náms- og starfsferilsskrá. Jafnframt skal leggja fram staðfestar upplýsingar um menntun og staðfest afrit af opinberu starfsleyfi. 

Mat á hæfni umsækjenda byggist á innsendum gögnum og viðtölum við umsækjendur. Gögn sem ekki er hægt að senda rafrænt skulu berast Svövu Þorkelsdóttur, framkvæmdastjóra mannauðs og nýliðunar Heilsugæslu höfuðborgarsvæðisins, Álfabakka 16, 109 Reykjavík.

Öllum umsóknum verður svarað þegar ákvörðun um ráðningu liggur fyrir. 

Starfshlutfall er 80 - 100%
Umsóknarfrestur er til og með 27.08.2018

Nánari upplýsingar veitir
Sigríður Dóra Magnúsdóttir - [email protected] - 513-5950
Anna Ólafsdóttir - [email protected] - 513-5950

HH Miðbæ hjúkrun
Vesturgötu 7
107 Reykjavík


Smelltu hér til að sækja um starfið

 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn