HeilbrigðisþjónustaHöfuðborgarsvæðið201808/1500Heilsugæsla höfuðborgarsvæðisins

Hreyfistjóri

 
Hreyfistjóri

Hreyfistjóri óskast í hlutastarf á tvær heilsugæslustöðvar Heilsugæslu höfuðborgarsvæðisins. Um er að ræða ótímabundið 30% starf sem skiptist þannig eftir starfsstöðvum: Heilsugæslan Sólvangi 15% starf og Heilsugæslan Garðabæ 15% starf. Æskilegast er að viðkomandi geti hafið störf 15. september n.k eða eftir nánara samkomulagi. 

Helstu verkefni og ábyrgð
Hreyfistjóri tekur á móti skjólstæðingum sem hafa fengið uppáskrifaðan hreyfiseðil frá heilbrigðisstarfsmanni. Hann framkvæmir viðeigandi mælingar, setur upp hreyfiáætlun í samráði við skjólstæðing og fylgir henni eftir. Hreyfistjóri tekur saman greinargerð og kemur henni til annarra meðferðaraðila þegar tiltekinn tími er liðinn frá því að meðferð hófst og við lok hennar. 

Hæfnikröfur
- Löggilt sjúkraþjálfarapróf
- Þriggja ára starfsreynsla sem sjúkraþjálfari
- Þekking á áhugahvetjandi samtalstækni 
- Mikil hæfni í mannlegum samskiptum
- Góð íslensku og enskukunnátta

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag sjúkraþjálfara hafa gert.
Stéttarfélag er Félag sjúkraþjálfara.

Umsókn skal fylgja ítarleg náms- og starfsferilsskrá. Jafnframt skal leggja fram staðfestar upplýsingar um menntun og staðfest afrit af opinberu starfsleyfi. 

Mat á hæfni umsækjenda byggist á innsendum gögnum og viðtölum við umsækjendur. Gögn sem ekki er hægt að senda rafrænt skulu berast Svövu Þorkelsdóttur, framkvæmdastjóra mannauðs og nýliðunar Heilsugæslu höfuðborgarsvæðisins, Álfabakka 16, 109 Reykjavík.

Tekið er mið af jafnréttisstefnu Heilsugæslu höfuðborgarsvæðisins við ráðningu í starfið. Öllum umsóknum verður svarað þegar ákvörðun um ráðningu hefur verið tekin.

Starfshlutfall er 30%
Umsóknarfrestur er til og með 27.08.2018

Nánari upplýsingar veitir
Heiða Sigríður Davíðsdóttir - [email protected] - 513-6200
Ásmundur Jónasson - [email protected] - 513-5500

HH Lækningaforstjóri
Álfabakki 16
109 Reykjavík


Smelltu hér til að sækja um starfið

 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn