Kennsla og rannsóknirHöfuðborgarsvæðið201808/1526Háskóli Íslands

Lektor í íslensku nútímamáli

Lektor í íslensku nútímamáli – Hugvísindasvið Háskóla Íslands

Laust er til umsóknar starf lektors í íslensku nútímamáli við Íslensku- og menningardeild Hugvísindasviðs Háskóla Íslands. 

Umsækjendur þurfa að sýna fram á það með námsferli sínum, starfsreynslu og ritverkum að þeir séu færir um að annast háskólakennslu í málfræði íslensks nútímamáls. Umsækjendur þurfa að sýna fram á sjálfstæði og frumkvæði í rannsóknum og hæfni til að afla styrkja til rannsóknarstarfa. Æskilegt er að umsækjendur geti kennt námskeið á sviði hljóð- og hljóðkerfisfræði og að þeir hafi reynslu af vinnu með málleg gagnasöfn og hugbúnað til málfræðilegrar greiningar. 

Menntunar- og hæfniskröfur:
Doktorspróf í íslenskri málfræði eða almennum málvísindum
Virkni og hæfni í rannsóknum
Kennslureynsla á háskólastigi er æskileg
Góð kunnátta í íslensku
Góð samstarfshæfni og lipurð í mannlegum samskiptum

Horft verður til þess að sérsvið og reynsla umsækjenda falli sem best að kennslu- og rannsóknaþörfum deildarinnar. Ráðið verður í starfið frá 1. janúar 2019 og til fimm ára með möguleika á ótímabundinni ráðningu að þeim tíma liðnum sbr. 3. mgr. 31. gr. reglna fyrir Háskóla Íslands nr. 569/2009. 

Um meðferð umsókna, mat á hæfi umsækjenda og ráðningu í starfið er farið eftir ákvæðum laga um opinbera háskóla nr. 85/2008 og reglna fyrir Háskóla Íslands nr. 569/2009. 

Umsóknarfrestur er til 10. september 2018. 

Sótt er um starfið á vefsíðu Háskóla Íslands undir laus störf

Umsækjendur skulu láta fylgja umsókn sinni vottorð um námsferil sinn og störf, ritaskrá, skýrslu um vísindastörf og önnur störf sem þeir hafa unnið og greinargerð um áform ef til ráðningar kemur.  Í umsókn skal koma fram hver ritverka sinna, allt að átta talsins, umsækjandi telur veigamest með tilliti til þess starfs sem um ræðir. Umsækjandi sendir eingöngu þessi ritverk sín með umsókn, eða vísar til þess hvar þau eru aðgengileg á rafrænu formi. Þegar fleiri en einn höfundur stendur að innsendu ritverki skulu umsækjendur gera grein fyrir framlagi sínu til verksins. Enn fremur er ætlast til þess að umsækjendur láti fylgja með umsagnir um kennslu- og stjórnunarstörf sín, eftir því sem við á. Umsókn og umsóknargögnum sem ekki er skilað rafrænt skal skila í tvíriti til vísindasviðs Háskóla Íslands, Sæmundargötu 2, 101 Reykjavík. 

Öllum umsækjendum verður svarað og þeim tilkynnt um ráðstöfun starfsins þegar ákvörðun hefur verið tekin. Umsóknir gilda í sex mánuði frá lokum umsóknarfrests.  

Laun eru samkvæmt kjarasamningi Félags háskólakennara og fjármálaráðherra. 

Nánari upplýsingar um starfið veitir Torfi H. Tulinius deildarforseti í síma 525-4562, netfang [email protected], og Óskar Einarsson rekstrarstjóri í síma 525-5236, netfang [email protected]

Við ráðningar í störf í Háskóla Íslands er tekið mið af jafnréttisáætlun skólans

Vakin er athygli á málstefnu Háskóla Íslands

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn