SérfræðistörfHöfuðborgarsvæðið201808/1530Héraðssaksóknari

Lögreglufulltrúar

Lögreglufulltrúar

Við embætti héraðssaksóknara eru lausar til umsóknar þrjár stöður lögreglufulltrúa. Sett verður í stöðurnar til reynslu í sex mánuði frá og með 1. október nk. með möguleika á skipun að reynslutíma loknum. 

Um er að ræða stöður á rannsóknasviði embættisins sem m.a. fer með rannsóknir á sviði fjármuna-, efnahags- og skattalagabrota.

Um verkefni héraðssaksóknara er vísað til heimasíðu embættisins; www.hersak.is.

Hæfnis- og menntunarkröfur
Umsækjendur skulu hafa lokið prófi frá Lögregluskóla ríkisins.
Menntun og/eða reynsla við rannsókn fjármuna-, efnahags- og skattalagabrota er kostur.

Með umsókninni skulu fylgja eftirfarandi upplýsingar eftir því sem við á:
Reynsla af störfum sem nýtist í framangreint starf.
Upplýsingar um almenna og sérstaka starfshæfni.
Upplýsingar sem lúta að andlegu atgervi, áræði, mannlegum samskiptum og sjálfstæði.
Upplýsingar um tvo núverandi eða fyrrverandi samstarfsmenn/yfirmenn sem veitt geta upplýsingar um störf, samstarfshæfni og aðra hæfni umsækjanda.
Aðrar upplýsingar sem varpað geta ljósi á faglega eiginleika og færni umsækjanda sem máli skipta fyrir starfið.

Með vísan til 28. gr. a. lögreglulaga nr. 90/1996 má engan ráða til starfa hjá lögreglu sem hefur gerst sekur um refsivert athæfi sem telja má svívirðilegt að almenningsáliti eða sýnt af sér háttsemi sem getur rýrt það traust sem starfsmenn lögreglu verða almennt að njóta. Til þess að staðreyna þetta er lögreglu heimilt að afla upplýsinga úr sakaskrá og málaskrám lögreglu.

Laun eru samkvæmt gildandi kjarasamningi fjármálaráðherra og Landssambands lögreglumanna. Starfshlutfall er 100%.

Konur jafnt sem karlar eru hvött til þess að sækja um.

Umsókn skal hafa borist embætti héraðssaksóknara, Skúlagötu 17, 101 Reykjavík, eigi síðar en en 5. september 2018. Einnig má senda umsókn með tölvupósti á netfangið [email protected] og skal pósturinn merktur „Umsókn um stöðu lögreglufulltrúa“. Umsóknir sem berast eftir að umsóknarfresti lýkur verða ekki teknar til greina. Öllum umsækjendum verður svarað þegar ákvörðun um setningu hefur verið tekin.

Nánari upplýsingar veitir Sveinn Ingiberg Magnússon, yfirlögregluþjónn, í síma 444-0150.

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn