HeilbrigðisþjónustaHöfuðborgarsvæðið201808/1522Framhaldsskólinn í Mosfellsbæ

Sálfræðingur

Framhaldsskólinn í Mosfellsbæ auglýsir eftir sálfræðingi

Framhaldsskólinn í Mosfellsbæ óskar eftir að ráða sálfræðing í 50% starf.

Skólinn hefur áhuga á að bæta þjónustu við nemendur til að stuðla að meiri vellíðan og betri árangri. Starfið er nýtt og mun viðkomandi starfsmaður byggja það upp og þróa í samstarfi við stjórnendur.

Við leitum að metnaðarfullum einstaklingi með starfsleyfi sálfræðings sem hefur áhuga á að byggja upp sálfræðiþjónustu fyrir nemendur innan skólans. Viðkomandi þarf að hafa frumkvæði, vera sjálfstæður í vinnubrögðum og hafa mikla samskiptafærni.

Laun greiðast samkvæmt kjarasamningi fjármálaráðherra og viðkomandi stéttarfélags.

Framhaldsskólinn í Mosfellsbæ kennir sig við auðlindir og umhverfi í víðum skilningi og leggur áherslu á að vera í góðum tengslum við umhverfi sitt, bæði hvað varðar listir og menningu, íþróttir og lýðheilsu og annað það sem einkennir mannlíf í Mosfellsbæ. Skólinn er framhaldsskóli með áfangasniði þar sem í boði eru stúdentsbrautir, framhaldsskólabrautir og sérnámsbraut. Helstu áherslupunktar í kennsluháttum skólans eru fjölbreyttar verkefnamiðaðar kennsluaðferðir og leiðsagnarnám.

Ráðið verður í stöðuna frá 10. september 2018.

Umsóknir með ítarlegum upplýsingum um menntun og fyrri störf skulu berast Guðbjörgu Aðalbergsdóttur skólameistara í netfangið [email protected] eða Guðrúnu Guðjónsdóttur aðstoðarskólameistara í netfangið [email protected]. Einnig er hægt að senda umsóknir í pósti: Framhaldsskólinn í Mosfellsbæ, Háholti 35, 270 Mosfellsbær.

Vakin er athygli umsækjenda á að samkvæmt lögum um framhaldsskóla nr. 92/2008 er ekki heimilt að ráða einstakling til starfa sem hlotið hefur dóm fyrir brot á XXII. kafla almennra hegningarlaga og því er beðið um sakavottorð áður en af ráðningu getur orðið.

Umsóknir þurfa að berast í síðasta lagi 27. ágúst 2018. Umsóknir þurfa ekki að vera á sérstökum eyðublöðum. Öllum umsóknum verður svarað þegar ákvörðun um ráðningu hefur verið tekin. Nánari upplýsingar veitir skólameistari í netfangi [email protected] eða í síma 864-9729 og aðstoðarskólameistari í netfangi [email protected] eða í síma 845-8829. Á vef skólans www.fmos.is má einnig finna ýmsar upplýsingar um skólann.


Skólameistari

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn