SérfræðistörfHöfuðborgarsvæðið201808/1525Háskóli Íslands

Verkefnastjóri á skrifstofu Hjúkrunarfræðideildar

Verkefnastjóri á skrifstofu Hjúkrunarfræðideildar – Heilbrigðisvísindasvið - Háskóli Íslands – Reykjavík

Laust er til umsóknar fullt starf verkefnastjóra á skrifstofu Hjúkrunarfræðideildar Háskóla Íslands

Leitað er að metnaðarfullum, þjónustulunduðum og jákvæðum einstaklingi sem hefur áhuga á að taka þátt í mótun þjónustu í tengslum við grunnnám í hjúkrunarfræði. Viðkomandi þarf að vera lausnamiðaður, geta tekist á við krefjandi og fjölbreytt verkefni, vera fljótur að tileinka sér nýjungar og hafa gaman að því að vinna með fólki.

Hjúkrunarfræðideild er til húsa í Eirbergi við Eiríksgötu 34 og er ein sex deilda á Heilbrigðisvísindasviði Háskóla Íslands. Þar starfa á fjórða tug fastráðinna kennara, auk fjölda stundakennara. Á skrifstofu deildarinnar eru sex starfsmenn.

Menntunar- og hæfniskröfur:
Háskólapróf sem nýtist í starfi
Gott vald á upplýsingatækni og hæfni til að tileinka sér nýjunar á því sviði
Góð Excel kunnátta
Góð íslenskukunnátta og færni í rituðu máli
Færni í mannlegum samskiptum og rík þjónustulund
Frumkvæði, sjálfstæði, sveigjanleiki og nákvæmni í starfi
Reynsla af störfum í háskólaumhverfi telst kostur

Helstu verkefni:
Þjónusta og upplýsingagjöf við nemendur og kennara
Umsjón með námsferlum nemenda
Verkefni tengd prófahaldi
Verkefni tengd brautskráningu
Vinna við kennsluskrá
Skjalavarsla
Aðstoð og undirbúningur fyrir fundi og viðburði
Verkefni tengd vefsíðu og kynningarmálum
Önnur tilfallandi verkefni í samráði við deildarstjóra

Viðkomandi þarf að geta hafið störf sem fyrst. Um framtíðarstarf er að ræða.

UMSÓKNARFERLI
Sótt er um starfið á vefsíðu Háskóla Íslands  undir laus störf

Umsóknarfrestur er til og með 27. ágúst 2018.

Eftirfarandi gögn skulu fylgja umsókn:
I. Ferilskrá
II. Bréf þar sem áhuga á starfinu er lýst og fjallað um hvað umsækjandi telur sig geta lagt af mörkum til þess
III. Staðfest afrit af prófskírteinum
IV. Upplýsingar um umsagnaraðila

Laun eru samkvæmt kjarasamningi fjármálaráðherra og hlutaðeigandi stéttarfélags.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Nánari upplýsingar um starfið veitir Heba Soffía Björnsdóttir, deildarstjóri Hjúkrunarfræðideildar ([email protected] / s. 525 4961).

Við ráðningu í störf við Háskóla Íslands er tekið mið af jafnréttisáætlun háskólans.

Vakin er athygli á málstefnu Háskóla Íslands

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn