SérfræðistörfHöfuðborgarsvæðið201808/1527Velferðarráðuneytið

Sérfræðingur á skrifstofu hagmála og fjárlaga


Sérfræðingur á skrifstofu hagmála og fjárlaga

Velferðarráðuneytið auglýsir lausa til umsóknar stöðu sérfræðings á skrifstofu hagmála og fjárlaga.

Starfssvið
Upplýsingaöflun og framsetning tölfræðilegra upplýsinga.
Greining gagna sem nýtast m.a. við stefnumótun á málefnasviðum ráðuneytisins.
Uppsetning mælaborða og skýrslna í Power BI til birtingar í ráðuneytinu eða á ytri vef.
Aðkoma að stefnumótun og skipulagi gagnamála.
Kostnaðargreining og gerð og umsjón reiknilíkana.
Þátttaka í stefnumótun í málaflokkum ráðuneytisins í samstarfi við fagskrifstofur og stofnanir þess.

Menntunar- og hæfniskröfur
Háskólamenntun í hagfræði, tölfræði, tölvunarfræði, raunvísindum, verkfræði eða önnur sambærileg menntun. Framhaldsmenntun er kostur.
Færni í meðferð, greiningu og úrvinnslu tölulegra gagna.
Reynsla af kostnaðargreiningu og gerð reiknilíkana í er Excel kostur.
Áhugi og þekking á viðskiptagreindarhugbúnaði og birtingu tölulegra gagna á myndrænan hátt.
Reynsla af vinnslu gagna í Power BI eða öðrum viðskiptagreindarhugbúnaði er kostur.
Þekking á DAX-forritunarmálinu (eða sambærilegu) er kostur.
Hæfni í mannlegum samskiptum og jákvætt viðmót.
Færni til að geta unnið sjálfstætt á skipulagðan og agaðan hátt.
Gott vald á íslensku í ræðu og riti og hæfni til að miðla upplýsingum á skýran hátt.
Góð kunnátta í ensku og einu Norðurlandamáli er kostur.
Þekking og reynsla af teymisvinnu og verkefnisstjórnun er kostur.

Um launakjör fer eftir kjarasamningi fjármála- og efnahagsráðherra og Félags háskólamenntaðra starfsmanna Stjórnarráðsins. Æskilegt er að viðkomandi geti hafið störf sem fyrst. Áhugasamir einstaklingar, án tillits til kyns, eru hvattir til að sækja um.

Í boði er áhugavert og fjölbreytt starf í krefjandi starfsumhverfi. Nánari upplýsingar veita Ólafur Darri Andrason skrifstofustjóri, [email protected], og Dagný Brynjólfsdóttir, staðgengill skrifstofustjóra, [email protected]. Umsóknir ásamt upplýsingum um menntun, starfsferil og starfsheiti skulu berast velferðarráðuneytinu, Skógarhlíð 6, 105 Reykjavík eða á netfangið: [email protected] eigi síðar en 27. ágúst nk.

Öllum umsóknum verður svarað þegar ákvörðun um ráðningu liggur fyrir. Tekið skal fram að umsóknir geta gilt í sex mánuði frá því að umsóknarfrestur rennur út, sbr. reglur nr. 464/1996, um auglýsingar á lausum störfum, með síðari breytingum.

Velferðarráðuneytinu, 10. ágúst 2017.
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn