SérfræðistörfHöfuðborgarsvæðið201809/1684Listasafn Íslands

Fjármála- og mannauðsstjóri

Fjármála- og mannauðsstjóri

Listasafn Íslands auglýsir eftir fjármála- og mannauðsstjóra. Starfið heyrir beint undir forstöðumann safnsins, safnstjóra, og felur í sér daglegan rekstur og mannauðsstjórnun.
Leitað er eftir kraftmiklum og metnaðarfullum starfsmanni til að ganga til liðs við okkur og takast á við fjölbreytt og krefjandi verkefni í þeirri menningar- og menntastofnun sem þjóðlistasafn er. Um fullt stöðugildi er að ræða. Starfsstöð rekstrar- og mannauðsstjóra er við Laufásveg. 

Starfssvið
Yfirumsjón með daglegum rekstri safnsins
Gerð rekstraráætlunar og eftirfylgni
Mannauðsmál, þar með talið móttaka og þjálfun nýrra starfsmanna, starfslýsingar og annað sem heyrir undir málaflokkinn
Umsjón með upplýsingatækni  
Samningagerð
Umsjón með rekstri starfsstöðva og fasteigna

Hæfniskröfur
Háskólamenntun á sviði fjármála, viðskiptafræði eða sambærileg menntun 
Framhaldsmenntun æskileg
Að minnsta kosti  þriggja ára stjórnunarreynsla skilyrði
Reynsla af bókhaldi og launavinnslu
Þekking á mannauðsmálum
Áhugi og hæfni til að leita nýrra tækifæra við þróun á rekstri safns
Jákvæðni og lipurð í mannlegum samskiptum
Frumkvæði og sjálfstæði í starfi, öguð vinnubrögð og rík skipulagshæfni
Gott vald á íslensku og ensku í ræðu og riti


Listasafn Íslands er eitt af þremur höfuðsöfnum ríkisins. Safnið rekur fjórar starfsstöðvar í Reykjavík. Safnhúsin eru þrjú: Aðalbygging safnsins við Fríkirkjuveg, Safn Ásgríms Jónssonar við Bergstaðastræti og Listasafn Sigurjóns Ólafssonar á Laugarnestanga. Skrifstofur, ásamt heimildasafni og forvörsluverkstæði eru á Laufásvegi. Við safnið starfa rúmlega 20 manns í ólíkum starfshlutföllum auk verkefnaráðinna einstaklinga á hverju ári. Verkefni safnsins eru að mestu leyti kostuð með sjálfsaflatekjum, svo sem með aðgangseyri, með útleigu á húsnæði vegna viðburða og með sölu á þjónustu og vörum.

Karlar jafnt sem konur eru hvött til að sækja um auglýst starf.

Umsókn skal fylgja ítarleg náms- og ferilskrá ásamt afriti af prófgráðum og kynningarbréf. Öllum umsóknum verður svarað þegar ákvörðun um ráðningu hefur verið tekin. Um launakjör fer samkvæmt kjarasamningi fjármála- og efnahagsráðherra og viðkomandi stéttarfélags. 

Harpa Þórsdóttir safnstjóri veitir nánari upplýsingar, [email protected]

Umsóknum skal skila rafrænt á netfangið: [email protected]

Umsóknarfrestur er til 24. september 2018.

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn