SérfræðistörfHöfuðborgarsvæðið201809/1717Háskóli Íslands

Aðstoðarmaður á rannsóknastofu

Aðstoðarmaður á rannsóknastofu – Lífeðlisfræðistofnun - Heilbrigðisvísindasvið – Háskóli Íslands – Reykjavík

Laust er til umsóknar 75% starf aðstoðarmanns á rannsóknarstofu Lífeðlisfræðistofnunar innan Læknadeildar Heilbrigðisvísindasviðs Háskóla Íslands.

Megin hlutverk stofnunarinnar er tvíþætt; Annars vegar rannsóknir í lífeðlisfræði og hins vegar að veita aðstöðu til verklegrar kennslu í lífeðlisfræði. Á stofnuninni er unnið að undirstöðurannsóknum á margvíslegum sviðum lífeðlisfræðinnar. Með þessum rannsóknum er aflað nýrrar þekkingar sem kemur að notum við lausn á ýmsum viðfangsefnum, bæði fræðilegum og hagnýtum.

Miðað er við að starfshlutfallið sé 75%, en hærra eða lægra stöðuhlutfall kemur einnig til greina. Vinna og viðvera mun að einhverju leyti taka mið af skólaárinu. Viðkomandi mun sækja sérhannað námskeið um tilraunadýrahald fljótlega eftir ráðningu.

Um framtíðarstarf er að ræða.

Helstu verkefni:
Umsjón með rannsóknarstofum stofnunarinnar
Undirbúningur fyrir verklega kennslu
Innkaup á efnum
Umsjón með tækjabúnaði, efnabirgðum og glervöru
Daglegt eftirlit með tilraunadýrum og aðstöðu fyrir þau
Aðstoð við rannsakendur og kennara

Menntunar- og hæfniskröfur:
Háskólapróf í lífeindafræði eða haldbær starfsreynsla á tilraunastofu
Frumkvæði, sjálfstæði og nákvæmni í starfi
Góð almenn tölvukunnátta
Góð kunnátta í íslensku og ensku, bæði töluðu og rituðu máli
Hæfni í mannlegum samskiptum, sveigjanleiki og rík þjónustulund

Æskilegt er að viðkomandi geti hafið störf frá og með 1. nóvember 2018, eða samkvæmt nánara samkomulagi.

Umsóknarferli:
Sótt er um starfið á vefsíðu Háskóla Íslands undir laus störf. 

Umsóknarfrestur er til og með 1. október 2018.

Eftirfarandi gögn skulu fylgja umsókn:
I. Ferilskrá
II. Bréf þar sem áhuga á starfinu er lýst og fjallað um hvað umsækjandi telur sig geta lagt af mörkum til þess
III. Staðfest afrit af prófskírteinum
IV. Upplýsingar um umsagnaraðila

Laun eru samkvæmt kjarasamningi fjármálaráðherra og hlutaðeigandi stéttarfélags.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Nánari upplýsingar um starfið veitir Þór Eysteinsson, prófessor og forstöðumaður Lífeðlisfræðistofnunar, ([email protected]).

Við ráðningu í störf við Háskóla Íslands er tekið mið af jafnréttisáætlun háskólans.

Vakin er athygli á málstefnu Háskóla Íslands. 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn