SérfræðistörfHöfuðborgarsvæðið201809/1720Háskóli Íslands

Deildarstjóri Deildar kennslu- og menntunarfræða

Deildarstjóri Deildar kennslu- og menntunarfræða Menntavísindasviðs Háskóla Íslands
 
Laust er til umsóknar fullt starf deildarstjóra Deildar kennslu- og menntunarfræða Menntavísindasviðs Háskóla Íslands. 

Helstu verkefni og ábyrgð
- Yfirumsjón með stjórnsýslu Deildar kennslu- og menntunarfræða. 
- Aðstoð við deildarforseta Deildar kennslu- og menntunarfræða í daglegum störfum, s.s. upplýsingagjöf, afgreiðsla og eftirfylgni formlegra og óformlegra erinda, bréfaskriftir og skjalavarsla.
- Tengiliður deildar við gerð kennsluskrár, kemur að námsferlum nemenda, inntöku, brautskráningu og kynningarmálum. 
- Umsýsla tengd meistaraverkefnum við deildina. 
- Undirbúningur deildar- og deildarráðsfunda, fundarritun, frágangur og eftirfylgni með ákvörðunum. 
- Ýmis þjónusta við starfsmenn deildarinnar, nemendur og aðra sem á þurfa að halda.
- Teymisvinna innan Kennsluskrifstofu Menntavísindasviðs.

Hæfnikröfur
- Háskólapróf sem nýtist í starfi, meistarapróf er kostur.
- Þekking á starfsemi, námi og kennslu við Menntavísindasvið er kostur. 
- Mjög góð íslenskukunnátta, bæði í töluðu og rituðu máli.
- Góð enskukunnátta, bæði í töluðu og rituðu máli.
- Góð tölvukunnátta er skilyrði, þ.m.t. þekking á og færni í forritum eins og excel- og word og rafrænni skjalavinnslu. 
- Mjög góð færni í mannlegum samskiptum og rík þjónustulund.
- Nákvæmni og samviskusemi.
- Frumkvæði, metnaður og sjálfstæði.

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.
Gert er ráð fyrir að umsækjandi hefji störf sem fyrst eða samkvæmt nánara samkomulagi. 

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests. 

Nánari upplýsingar um starfið veitir Ásdís Hrefna Haraldsdóttir, kennslustjóri Menntavísindasviðs, netfang [email protected]

Við ráðningu í störf við Háskóla Íslands er tekið mið af jafnréttisáætlun háskólans, sjá: https://www.hi.is/haskolinn/malstefna_haskola_islands

Vakin er athygli á málstefnu Háskóla Íslands, sjá: https://www.hi.is/haskolinn/malstefna_haskola_islands

Háskóli Íslands er stærsta kennslu-, rannsókna- og vísindastofnun Íslands með stórt og fjölbreytt safn rannsóknarverkefna. Háskóli Íslands veitir nemendum víðtæka menntun á öllum helstu fræðasviðum og þjónar stofnunum, fyrirtækjum og stjórnvöldum í þágu almannaheilla. Háskóli Íslands er í hópi 250 bestu háskóla heims samkvæmt matslista Times Higher Education. 

Starfshlutfall er 100%
Umsóknarfrestur er til og með 01.10.2018

Nánari upplýsingar veitir
Ásdís Hrefna Haraldsdóttir - [email protected] - 525-4000

HÍ Menntavísindasvið stjórnsýsla
Stakkahlíð
105 Reykjavík


Smelltu hér til að sækja um starfið

 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn