SérfræðistörfHöfuðborgarsvæðið201809/1719Háskóli Íslands

Verkefnastjóri kennslumála

Verkefnastjóri kennslumála – Matvæla- og næringarfræðideild– Heilbrigðisvísindasvið – Háskóli Íslands – Reykjavík

Laust er til umsóknar 50% starf verkefnastjóra hjá Matvæla- og næringarfræðideild Háskóla Íslands.

Um er að ræða spennandi og krefjandi starf í tengslum við umsýslu, mótun og uppbyggingu náms og kennslu við deildina, með sérstaka áherslu á upplýsingatækni. Verkefnastjórinn mun í þessu samhengi sjá um ýmis störf sem tengjast framangreindum málaflokkum auk annarra verkefna við stjórnsýslu deildarinnar í nánu samstarfi við deildarstjóra skrifstofu deildarinnar.  

Um er að ræða tímabundið starf til tveggja ára. Fyrir lok ráðningartímans verður tekin ákvörðun um hvort forsendur verði til að ráða í starfið til frambúðar, en þá mun starfið verða auglýst að nýju. 

Verkefnastjórinn hefur aðsetur í Læknagarði við Vatnsmýrarveg 16. Hann vinnur undir stjórn deildarforseta og er í náinni samvinnu við kennara deildarinnar, deildarstjóra og skrifstofu Heilbrigðisvísindasviðs.

MENNTUNAR-OG HÆFNISKRÖFUR
Meistarapróf í matvæla- eða næringarfræði eða í annarri fræðigrein sem nýtist í starfinu.
Æskilegt er að viðkomandi hafi einnig lokið námi í kennslufræði og/eða verkefnastjórnun.
Sjálfstæði og frumkvæði í starfi.
Gott vald á íslensku og ensku, bæði í ræðu og riti.
Góð samskiptahæfni og rík þjónustulund.
Gott vald  og áhugi á upplýsingatækni og hæfni til að tileinka sér nýjungar á því sviði.
Reynsla af störfum í skólaumhverfi telst kostur.

HELSTU VERKEFNI OG ÁBYRGÐ
Utanumhald og þróun ýmissa verkefna á sviði kennslumála.  
Aðstoð við kennara vegna skipulagningar kennslu og utanumhald námskeiða.
Þjónusta og upplýsingagjöf í tengslum við nám í deildinni.
Skipulag verklegrar kennslu.
Undirbúningur fyrir kennarafundi, fundarseta og eftirfylgni við ýmis mál.
Umsjón með vef- og kynningarmálum deildarinnar og skipulag viðburða.

Æskilegt er að viðkomandi geti hafið störf sem fyrst.

UMSÓKNARFERLI
Sótt er um starfið á vefsíðu Háskóla Íslands  undir laus störf. 

Umsóknarfrestur er til og með 1. október 2018.

Eftirfarandi gögn skulu fylgja umsókn:
I. Ferilskrá
II. Bréf þar sem áhuga á starfinu er lýst og fjallað um hvað umsækjandi telur sig geta lagt af mörkum til þess
III. Staðfest afrit af prófskírteinum
IV. Upplýsingar um umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Laun eru samkvæmt kjarasamningi fjármálaráðherra og hlutaðeigandi stéttarfélags.

Nánari upplýsingar um starfið veitir Bryndís Eva Birgisdóttir forseti Matvæla- og næringarfræðideildar ([email protected]).

Við ráðningu í störf við Háskóla Íslands er tekið mið af jafnréttisáætlun háskólans.

Vakin er athygli á málstefnu Háskóla Íslands. 
 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn