SérfræðistörfHöfuðborgarsvæðið201810/1822Háskóli Íslands

Sérfræðingur við Líf- og umhverfisvísindastofnun

Sérfræðingur við Líf- og umhverfisvísindastofnun
Verkfræði- og náttúruvísindasvið
Háskóli Íslands

Laust er til  umsóknir starf  sérfræðings innan Líf- og umhverfisvísindastofnunar við Verkfræði- og náttúruvísindasvið Háskóla Íslands. Starfið og rannsóknakostnaður er styrkt af StofnFiski til þriggja ára með möguleika á allt að tveggja ára framlengingu. 

Líf og Umhverfivísindadeild Háskóla Íslands í samstarfi við Stofnfisk HF leitar að sérfræðingi með doktorsgráðu. Hlutverk sérfræðingsins er að hafa umsjón með rannsóknaverkefninu „Stjórn kynþroska í eldislaxi“ og að auki taka þátt í að leiðbeina nemanda sem kemur að verkefninu. 

Heiti verkefnis og lýsing

„Stjórn á kynþroska í eldislaxi“.

Möguleg umhverfisáhætta af laxeldi er vaxandi áhyggjuefni á Íslandi m.a. vegna hættunnar á að eldislaxar hrygni með villtum íslenskum laxastofnum. Með því að stjórna eða fyrirbyggja kynþroska hjá eldislaxi má draga úr þessari hættu. Markmið verkefnisins „Stjórn á kynþroska í eldislaxi“  er að ná dýpri skilning á áhrifum erfðafræði og sameindaerfðafræði á stjórnum kynþroska.

Gert er ráð fyrir því að viðkomandi geti hafið störf 1. desember 2018. Rannsóknaraðstaðan er staðsett í Öskju, Líf og Umhverfivísindadeild Háskóla Íslands í Reykjavík. Við hvetjum sem flesta til að sækja um. Hér er um að ræða krefjandi og áhugavert verkefni sem unnið er í samstarfi Háskóla Íslands og einkafyrirtækis.

Menntunar- og hæfniskröfur
Við leitum að einstaklingi með doktorsgráðu og góða þekkingu á sviði þroskunarfræði. Umsækjandi skal hafa þekkingu á nýjustu aðferðum sameindaerfðafræðinnar t.d. erfðabreytingum með CRISPR-Cas9 sem beitt verður til að öðlast betri skilning á þeim líffræðilegu ferlum sem liggja að baki kynþroska í laxfiskum. Menntun og reynsla í þroskunarfræði laxa eða laxfiska er kostur. Við leitum að einstaklingi með góða samskiptahæfni sem getur unnið vel í rannsóknarteymi. Rannsóknarverkefnið er hluti af samstarfi StofnFisks og Háskóla Íslands og tengist einnig alþjóðlegu samstarfi. 

Umsækjendur skulu láta fylgja umsókn sinni 1) vottorð um námsferil sinn og störf, 2) akademíska ferilskrá (Curriculum Vitae), 3) ritaskrá, 4) skýrslu um vísindastörf og önnur störf sem þeir hafa unnið, 5) greinargerð um rannsóknaráform ef til ráðningar kemur,  6) upplýsingar um þrjá mögulega umsagnaraðila sem hafa má samband við. Í umsókn skal koma fram hver ritverka sinna, allt að átta talsins, umsækjandi telur veigamest með tilliti til þess starfs sem um ræðir. Umsækjandi sendir eingöngu þessi ritverk sín með umsókn, eða vísar til þess hvar þau eru aðgengileg á rafrænu formi. Þegar fleiri en einn höfundur stendur að innsendu ritverki skulu umsækjendur gera grein fyrir framlagi sínu til verksins. Enn fremur er ætlast til þess að umsækjendur láti fylgja með umsagnir um stjórnunarstörf sín eftir því sem við á. Umsókn og umsóknargögnum sem ekki er skilað rafrænt skal skila í tvíriti til vísindasviðs Háskóla Íslands, Sæmundargötu 6, 101 Reykjavík. Öllum umsækjendum verður svarað og þeim tilkynnt um ráðstöfun starfsins þegar ákvörðun hefur verið tekin. Umsóknir geta gilt í allt að sex mánuði frá lokum umsóknarfrests.

Um meðferð umsókna, mat á hæfi umsækjenda og ráðningu í starfið er farið eftir ákvæðum laga um opinbera háskóla nr. 85/2008 og reglna fyrir Háskóla Íslands nr. 569/2009. 

Umsóknarfrestur er til og með 5. nóvember 2018. 

Sótt er um starfið á heimasíðu Háskóla Íslands undir laus störf.

Nánari upplýsingar veita Prófessor Zohonías O. Jónsson , email: [email protected] og Eduardo Rodriguez tel +354-8692697, email: [email protected] 

Laun eru samkvæmt kjarasamningi hlutaðeigandi stéttarfélags og fjármálaráðherra.

Við ráðningu í störf í Háskóla Íslands er tekið mið af jafnréttisáætlun skólans.

Vakin er athygli á málstefnu Háskóla Íslands.

Á Verkfræði- og náttúruvísindasviði starfa 360 manns við rannsóknir og kennslu á sviði verkfræði og náttúruvísinda. Starfsumhverfið er alþjóðlegt enda eykst sífellt hlutfall erlendra starfsmanna og nemenda við sviðið, en fjórðungur bæði starfsmanna og framhaldsnema eru erlendir. Nemendur Verkfræði- og náttúruvísindasviðs eru um 2300 talsins í sex deildum. Þar af eru 350 í meistaranámi og 150 í doktorsnámi.  Rannsóknarstofnanir sviðsins eru Jarðvísindastofnun og Eðlisvísindastofnun sem tilheyra báðar Raunvísindastofnun, Líf- og umhverfisvísindastofnun, Verkfræðistofnun og Stofnun Sæmundar fróða sem er þverfræðileg stofnun og heyrir undir öll fræðasvið háskólans. 
Háskóli Íslands er stærsta kennslu-, rannsókna- og vísindastofnun Íslands og er í hópi 250 bestu háskóla heims samkvæmt nýjum matslista Times Higher Education.

Um StofnFisk hf.
StofnFiskur hf. stundar kynbætur og rannsóknir á erfðafræði Atlantshafslax með aðsetur á Íslandi. Vikulega framleiðir fyrirtækið laxahrogn til útflutnings til allra heimshorna. Höfuðstöðvar fyrirtækisins eru í Hafnarfirði, en auk þess rekur fyrirtækið fjórar eldistöðvar í Kollafirði og á Reykjanesi. StofnFiskur er í eigu Benchmark plc. Nánari upplýsingar á www.stofnfiskur.is.

Benchmark Genetics vinnur að þróun á sviði fiskeldis. Frá stofnun fyrirtækisins árið 2000 hefur Benchmark stöðugt unnið að því að auka þekkingu á sviði erfðafræði, næringarfræði, dýraheilbrigðis og fiskeldis, til að þjóna viðskiptavinum sínum með áherslu á að bæta ávöxtun, arðsemi og sjálfbærni í framboði á afurðum.

Félagið hefur leiðandi stöðu á markaði og hefur byggt upp öflugt rannsókna- og þróunarstarf og framleiðslu- og dreifingargetu til að þjóna öllum helstu fiskeldismörkuðum heims. Benchmark starfar í 27 löndum á heimsvísu og þar starfa um 950 manns. Nánari upplýsingar á www.benchmarkplc.com.

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn