SkrifstofustörfHöfuðborgarsvæðið201810/1821Háskóli Íslands

Starfsmaður í móttöku Hjúkrunarfræðideildar

Starfsmaður í móttöku Hjúkrunarfræðideildar – Heilbrigðisvísindasvið - Háskóli Íslands – Reykjavík

Laust er til umsóknar 50% starf verkefnastjóra á skrifstofu Hjúkrunarfræðideildar Háskóla Íslands. 

Leitað er að þjónustulunduðum, skipulögðum og jákvæðum einstaklingi til að hafa umsjón með móttöku deildarinnar auk fleiri verkefna. Viðkomandi þarf að vera lausnamiðaður, geta tekist á við krefjandi og fjölbreytt verkefni, vera fljótur að tileinka sér nýjungar og hafa gaman að því að vinna með fólki.

Hjúkrunarfræðideild er til húsa í Eirbergi við Eiríksgötu 34 og er ein sex deilda á Heilbrigðisvísindasviði Háskóla Íslands. Þar starfa á fjórða tug fastráðinna kennara, auk fjölda stundakennara. Á skrifstofu deildarinnar eru sex starfsmenn. Afgreiðsla deildarinnar er opin alla virka daga og þangað leita bæði starfsmenn og nemendur deildarinnar.

Helstu verkefni:
Umsjón með móttöku deildarskrifstofu
Þjónusta við nemendur og starfsfólk
Almenn skrifstofustörf, símsvörun, afgreiðsla og upplýsingagjöf
Undirbúningur fyrir fundi og viðburði
Innkaup á rekstrarvörum og ýmis umsýsla í því samhengi
Skjalavarsla og stofubókanir
Tengiliður vegna tölvuþjónustu

Menntunar- og hæfniskröfur:
Menntun sem nýtist í starfi, háskólapróf er kostur
Góð færni í mannlegum samskiptum og rík þjónustulund
Gott vald á upplýsingatækni og hæfni til að tileinka sér nýjungar á því sviði
Góð íslensku- og enskukunnátta, bæði í ræðu og riti
Frumkvæði, sjálfstæði, sveigjanleiki og nákvæmni í starfi
Reynsla af störfum í háskólaumhverfi telst kostur
Reynsla af skjalavörslu telst kostur

Viðkomandi þarf að hafa bíl til umráða. Æskilegt er að viðkomandi geti tekið til starfa sem fyrst. Um framtíðarstarf er að ræða.

Umsóknarferli:
Sótt er um starfið á vefsíðu Háskóla Íslands undir laus störf. 

Umsóknarfrestur er til og með 22. október 2018.

Eftirfarandi gögn skulu fylgja umsókn:
I. Ferilskrá
II. Bréf þar sem áhuga á starfinu er lýst og fjallað um hvað umsækjandi telur sig geta lagt af mörkum til þess
III. Staðfest afrit af prófskírteinum
IV. Upplýsingar um umsagnaraðila

Laun eru samkvæmt kjarasamningi fjármálaráðherra og hlutaðeigandi stéttarfélags.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Nánari upplýsingar um starfið veitir Heba Soffía Björnsdóttir, deildarstjóri Hjúkrunarfræðideildar ([email protected] / s. 525 4961).

Við ráðningu í störf við Háskóla Íslands er tekið mið af jafnréttisáætlun háskólans.

Vakin er athygli á málstefnu Háskóla Íslands. 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn