SérfræðistörfHöfuðborgarsvæðið201810/1827Ríkiseignir

Verkefnastjórar

Verkefnastjórar

Ríkiseignir óska eftir að ráða verkefnastjóra, annars vegar á sviði leigumála og hins vegar á sviði gæða og skjalavörslu. Um er að ræða afar fjölbreytt og krefjandi verkefni.
 
Verkefnastjóri leigumála 
Verkefnastjóri hefur yfirumsjón með leigusamningum.

Helstu verkefni:
Yfirumsjón með leigusamningum.
Ákvarða leiguverð, sem ígildi markaðsleigu, út frá ástandi, gæðum og staðsetningu.
Útfæra stofnkostnaðarleigu vegna nýfjárfestinga.
Samningagerð.
Forsvar gagnavart leigutökum varðandi leigumál
Ábyrgð á að innheimtu, bókun húsaleigu og yfirliti um nýtingu húsnæðis.

Hæfniskröfur:
Háskólapróf í viðskiptafræði eða sambærilegt próf sem nýtist í starfi.
Reynsla af verkefnastjórnun.
Reynsla af fjármálagerningum er kostur.
Jákvætt viðmót og færni í mannlegum samskiptum.
Nákvæmni í vinnubrögðum.
Gott vald á íslensku í ræðu og riti.

Verkefnastjóri gæða og skjalavörslu
Verkefnastjóri hefur yfirumsjón með innleiðingu, þróun og rekstri gæðakerfis ásamt skjalavörslu.

Helstu verkefni:
Gerð og uppfærsla gæða- og starfsmannahandbóka
Kynning á gæðakerfi og þjálfun við innleiðingu
Úttekt á virkni gæðakerfis og notkun þess.
Uppbygging skjalastjórnunarkerfis og innleiðing.
Umsjón með móttöku, söfnun, skráningu, varðveislu og miðlun skjala. 
Önnur verkefni er lúta að öruggri umhirðu gagna, s.s. persónuverndarmál.

Hæfniskröfur:
Háskólapróf eða önnur framhaldsmenntun sem nýtist í starfi.
Reynsla og þekking á gæðastjórnun.
Reynsla af skjalastjórnun og rafrænum skjalvörslukerfum.
Jákvætt viðmót og færni í mannlegum samskiptum.
Nákvæmni í vinnubrögðum.
Gott vald á íslensku í ræðu og riti.
Góð almenn tölvukunnátta.

Ríkiseignir hafa umsjón með fasteignum, jörðum og auðlindum í eigu ríkisins í umboði fjármálaráðuneytis. Hlutverk Ríkiseigna er að tryggja örugga og hagkvæma umsýslu þessara eigna. Umsýsla fasteigna felst einkum í útleigu húsnæðis til stofnana ríkisins, viðhaldi fasteigna og daglegum rekstri þeirra. Umsýsla jarðeigna felst aðallega í útleigu og ábúð á ríkisjörðum, umsjón með leigusamningum og samskiptum við leigutaka og ábúendur. Að auki annast Ríkiseignir umsýslu og skráningu auðlinda í eigu ríkisins.

Laun eru samkvæmt gildandi kjarasamningi fjármála- og efnahagsráðherra og viðkomandi stéttarfélags. 

Umsóknir geta gilt í 6 mánuði frá því að umsóknarfrestur rennur út. 
 
Umsóknarfrestur er til og með 22. október n.k.

Umsækjendur eru vinsamlegast beðnir að sækja um starfið á heimasíðu Capacent Ráðninga, www.capacent.is.  

Umsókn um starfið þarf að fylgja ítarleg starfsferilsskrá, kynningarbréf og rökstuðningur fyrir hæfni viðkomandi í starfið. Nánari upplýsingar veita Auður Bjarnadóttir ([email protected]) og Þóra Pétursdóttir ([email protected]) hjá Capacent Ráðningum.
 
 
 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn