SkrifstofustörfHöfuðborgarsvæðið201810/1801Landspítali

Sérhæfður starfsmaður - hlutastarf á Ónæmisfræðideild

Sérhæfður starfsmaður - hlutastarf á Ónæmisfræðideild 

Laust er til umsóknar 50% starf sérhæfðs starfsmanns á Ónæmisfræðideild Landspítala við Hringbraut. Starfið felst í móttöku og símavörslu, framkvæmd glerþvottar og dauðhreinsunar, umsjón með kaffistofu, almennri aðstoð við starfsfólk og öðrum verkefnum í samráði við yfirmann. 

Við viljum ráða jákvæðan, þjónustulipran og sjálfstæðan einstakling með góða samskiptahæfni. Deildin er opin alla virka daga frá kl. 8-16 og það þarf að manna móttökuna á þessum tíma. Vinnutími eftir samkomulagi við ráðningu. Gott væri ef viðkomandi gæti hafið störf sem fyrst.

Á deildinni starfa um 30 manns að jafnaði, auk masters- og doktorsnema. Þar fer m.a. fram eftirlit og meðferð ofnæmis- og ónæmissjúkdóma, þjónustu- og vísindarannsóknir auk ráðgjafar og kennslu heilbrigðisstétta í ónæmisfræði.

Helstu verkefni og ábyrgð
» Símavarsla og móttaka
» Eftirlit og framkvæmd glerþvottar og dauðhreinsunar
» Umsjón með kaffistofu
» Almenn aðstoð við starfsfólk
» Önnur verkefni í samráði við yfirmann

Hæfnikröfur
» Jákvæðni og skipulögð vinnubrögð
» Stundvísi, sveigjanleiki og þjónustulund
» Góð íslenskukunnátta
» Reynsla sem nýtist í starfi æskileg

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og SFR - stéttarfélag í almannaþjónustu hafa gert.
Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. 
Tekið er mið af jafnréttisstefnu LSH við ráðningar á spítalanum og eru karlar jafnt sem konur hvött til að sækja um. Öllum umsóknum verður svarað.

Umsókn fylgi náms- og starfsferilskrá.

Landspítali er lifandi og fjölbreyttur vinnustaður þar sem yfir 5.500 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 50%
Umsóknarfrestur er til og með 29.10.2018

Nánari upplýsingar veitir
Halldór Benediktsson - [email protected] - 543 5816

LSH Ónæmisfræðideild
Hringbraut
101 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn