HeilbrigðisþjónustaHöfuðborgarsvæðið201810/1804Landspítali

Sjúkraliði - Krabbameinslækningadeild

Sjúkraliði - Krabbameinslækningadeild

Hefur þig alltaf langað að prófa krabbameinshjúkrun en aldrei þorað? Nú er tækifærið til að prófa eitthvað nýtt, áhugavert og þroskandi.

ÁHUGAVERT STARF - FRÁBÆRT SAMSTARFSFÓLK - GÓÐUR STARFSANDI - TÆKIFÆRI TIL AÐ ÞRÓA HÆFNI Í KRABBAMEINSHJÚKRUN - HÖFÐAR ÞETTA TIL ÞÍN?

Krabbameinslækningadeild 11E óskar eftir að ráða sjúkraliða til að starfa. Starfshlutfall er samkomulagsatriði. Deildin er sólarhringsdeild, opin alla daga, og þjónar einstaklingum sem glíma við krabbamein og fjölskyldum þeirra.
Á deildinni starfa um 50 manns á nýuppgerðri og endurbættri deild. Um er að ræða afar áhugaverðan og spennandi starfsvettvang með þverfaglegri nálgun og teymisvinnu við greiningu, meðferð og umönnun sjúklinga með krabbamein. Þar fer fram gríðarlega fjölbreytt og áhugaverð hjúkrun sjúklinga með einkenni frá mismunandi líffærakerfum. Margir eru nýlega greindir með krabbamein og eru að hefja sína meðferð, t.d. lyfja- eða geislameðferð, á meðan aðrir eru komnir lengra í sínu sjúkdómsferli.

Við tökum vel á móti nýju fólki og veitum einstaklingshæfða aðlögun. Áhugasamir hafið samband við Ásthildi, deildarstjóra.

Helstu verkefni og ábyrgð
» Hjúkrun einstaklinga í samvinnu við aðra fagaðila
» Virk þátttaka í fjölskylduhjúkrun

Hæfnikröfur
» Jákvætt viðhorf, frumkvæði og samskiptahæfileikar
» Sjálfstæði í vinnubrögðum
» Íslenskt sjúkraliðaleyfi

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Sjúkraliðafélag Íslands hafa gert.
Öllum umsóknum verður svarað. Tekið er mið af jafnréttisstefnu LSH við ráðningar á spítalanum.

Störfin eru laus sem fyrst eða samkvæmt nánara samkomulagi. Um er að ræða 4 stöðugildi.
Umsókn fylgi náms- og starfsferilskrá ásamt afriti af prófskírteinum og starfsleyfi.

Landspítali er lifandi og fjölbreyttur vinnustaður þar sem yfir 5.500 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 60 - 100%
Umsóknarfrestur er til og með 29.10.2018

Nánari upplýsingar veitir
Ásthildur Guðjohnsen - [email protected] - 869 2311
Garðar Örn Þórsson - [email protected] - 543 6210

LSH Krabbameinslækningadeild
Hringbraut
101 Reykjavík


Smelltu hér til að sækja um starfið

 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn