SérfræðistörfHöfuðborgarsvæðið201810/1858Velferðarráðuneytið

Lögfræðingur á skrifstofu félagsþjónustu

 
Lögfræðingur á skrifstofu félagsþjónustu

Velferðarráðuneytið auglýsir laust til umsóknar starf lögfræðings á skrifstofu félagsþjónustu. 

Ráðuneytið hefur virðingu, fagmennsku, framsýni og árangur að leiðarljósi í starfsemi sinni.
Meginhlutverk skrifstofunnar er að taka þátt í mótun stefnu stjórnvalda á sviði félagsþjónustu, s.s. barnaverndar, þjónustu við börn, fjölskyldur og einstaklinga, málefna aldraðra, fatlaðs fólks, flóttafólks, innflytjenda og húsnæðismála. Skrifstofunni er ætlað að hafa yfirsýn yfir framkvæmd stefnu stjórnvalda í þessum málaflokkum og fylgja henni eftir, m.a. með gerð lagafrumvarpa, þingsályktunartillagna og reglugerða.

Helstu verkefni og ábyrgð
Starfið byggir á hlutverkum skrifstofunnar og felur m.a. í sér að vinna að stefnumörkun í þjónustu við börn og fylgja eftir faglegri þróun í félagsþjónustu. Starfið krefst lausnamiðaðrar hugsunar sem gerir ríka kröfu um skipulag og framúrskarandi samskiptahæfni. 

Hæfnikröfur
Embættispróf eða meistarapróf í lögfræði.
Jákvæðni og góð hæfni í mannlegum samskiptum.
Skipulagshæfni. 
Frumkvæði og sjálfstæði í vinnubrögðum auk hæfni til að taka virkan þátt í teymisvinnu.
Gott vald á íslensku í ræðu og riti. 
Þekking og reynsla á opinberri stjórnsýslu. 
Góð enskukunnátta er nauðsynleg og vald á einu Norðurlandamáli er kostur.

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólamenntaðra starfsmanna stjórnarráðs hafa gert.
Um er að ræða fullt starf í krefjandi starfsumhverfi þar sem reynir á öguð vinnubrögð, ábyrgð og sjálfstæði. Æskilegt er að umsækjandi geti hafið störf sem fyrst. 
Umsóknum skal fylgja ítarleg starfsferilskrá og kynningarbréf þar sem gerð er grein fyrir ástæðu umsóknar og hæfni viðkomandi til að gegna starfinu. Umsóknir skulu fylltar út á Starfatorgi. Áhugasamir einstaklingar, án tillits til kyns, eru hvattir til að sækja um. Öllum umsóknum verður svarað þegar ákvörðun um ráðningu liggur fyrir. Umsóknir geta gilt í sex mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum, með síðari breytingum.

Heimasíða velferðarráðuneytisins

Starfshlutfall er 100%
Umsóknarfrestur er til og með 29.10.2018

Nánari upplýsingar veitir
Ellý Alda Þorsteinsdóttir - [email protected] - 5458100

VEL Skrifstofa félagsþjónustu
Skógarhlíð 6
105 Reykjavík


Smelltu hér til að sækja um starfið

 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn