Hoppa yfir valmynd
Kennsla og rannsóknirHöfuðborgarsvæðið201810/1927Háskóli Íslands

Lektor í svæfingahjúkrun

Lektor í svæfingahjúkrun – Heilbrigðisvísindasvið – Háskóli Íslands – Reykjavík

Laust er til umsóknar 50% starf lektors í hjúkrunarfræði með áherslu á svæfingahjúkrun við Hjúkrunarfræðideild Háskóla Íslands.

Hjúkrun fólks sem fer í svæfingu er stórt klínískt fræðasvið, sem tekur til stjórn lífsmarka og lífeðlisfræðilegs ástands sjúklinga og líðan þeirra í fjölþættu samhengi svæfinga í heilbrigðisþjónustu, bæði fyrir og eftir svæfingu og í samhengi undirbúnings, í aðgerðum og í eftiraðgerðarmeðferð. 

Hjúkrunarþarfir þessa skjólstæðingshóps,. eru fjölþættar og flóknar og tengjast náið tækni og umhverfisþáttum og ástandi skjólstæðingsins. Gæði hjúkrunar í tengslum við svæfingu eru veigamikill þáttur í undirbúningi og afturbata eftir ýmis konar rannsóknir og skurðaðgerðir og í að vernda og efla lífsgæði einstaklinga og fjölskyldna þeirra. Umfang heilbrigðisþjónustu þessa skjólstæðingahóps, er verulegt og til mikils að vinna að lágmarka það. Rannsóknir innan fræðasviðsins hafa skipt sköpum við að auka þekkingu, og þróa tækni sem tryggir öryggi skjólstæðinga og lifun í tengslum við svæfingar. Þar hafa íslenskar rannsóknir haft mikið að segja og mikilvægt að haldið sé áfram á þeirri vegferð. 

Leitað er að öflugum einstaklingi innan þessarar sérgreinar hjúkrunar til að leiða uppbyggingu fræðigreinarinnar við deildina, stunda rannsóknir innan fræðigreinarinnar, auk þróunar kennslu í grunn- og framhaldsnámi. 

Menntunar- og hæfniskröfur:
Doktorspróf á sviði hjúkrunarfræði.
Sérmenntun á sviði svæfingahjúkrunar.
Rannsóknavirkni á fræðasviðinu, sjálfstæði og frumkvæði í rannsóknum.
Góð reynsla af háskólakennslu, fræðilegri og klínískri, og leiðbeiningu til æðri háskólagráðu.
Stjórnunarreynsla.
Reynsla af öflun styrkja til rannsóknarstarfa. 
Góð samstarfshæfni og lipurð í mannlegum samskiptum, ásamt góðri færni í að miðla eigin þekkingu.

Við ráðningu verður miðað við, að sá er starfið hlýtur falli sem best að aðstæðum og þörfum Hjúkrunarfræðideildar.

Æskilegt er að viðkomandi geti hafið störf í byrjun árs 2019, enda verði störfum nefndar sem um málið fjalla þá lokið.

Ráðið verður í starfið til fimm ára, með möguleika á ótímabundinni ráðningu að þeim tíma liðnum sbr. 3. mgr. 31. gr. reglna fyrir Háskóla Íslands nr. 569/2009. Rektor er heimilt að veita framgang í starfi strax við nýráðningu uppfylli viðkomandi þau skilyrði sem kveðið er á um í reglum nr. 263/2010 um framgang og tímabundna ráðningu akademískra starfsmanna við Háskóla Íslands.

Um meðferð umsókna, mat á hæfi umsækjenda og ráðningu í starfið er farið eftir ákvæðum laga nr. 85/2008 um opinbera háskóla og reglna um Háskóla Íslands nr. 569/2009.

Laun eru samkvæmt kjarasamningi Félags háskólakennara og fjármálaráðherra.

Nánari upplýsingar um starfið veitir Herdís Sveinsdóttir, forseti Hjúkrunarfræðideildar ([email protected]).

Umsóknarfrestur er til og með 26. nóvember 2018.

Sótt er um starfið á vefsíðu Háskóla Íslands undir laus störf

Umsækjendur skulu láta fylgja með umsókn sinni vottorð um námsferil sinn og störf, ritaskrá, skýrslu um vísindastörf og önnur störf sem þeir hafa unnið og rannsóknaráætlun ef til ráðningar kemur. Enn fremur er ætlast til þess að umsækjendur láti fylgja með umsagnir um kennslu- og stjórnunarstörf sín, eftir því sem við á. Ef ekki er unnt að skila fylgigögnum með umsókn á rafrænu formi skal skila þeim í þríriti til vísindasviðs Háskóla Íslands, Sæmundargötu 2, 101 Reykjavík. 

Öllum umsækjendum verður svarað og þeim tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningar í störf í Háskóla Íslands er tekið mið af jafnréttisáætlun skólans.

Vakin er athygli á málstefnu Háskóla Íslands. 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira