Hoppa yfir valmynd
HeilbrigðisþjónustaHöfuðborgarsvæðið201810/1920Landspítali

Sjúkraþjálfarar á smitsjúkdómadeild og á gigtar- og almennri lyflækningadeild

Sjúkraþjálfari - Hefur þú áhuga á að vinna á bráðaspítala?

Við óskum eftir 2 sjúkraþjálfurum til starfa á smitsjúkdómadeild og gigtar- og almenna lyflækningadeild í Fossvogi. Starfshlutfall er samkomulag. Hér gefst kjörið tækifæri til að öðlast breiða þekkingu innan fagsins, vinna með skemmtilegu fólki og verða hluti af liðsheild. Mikil áhersla er lögð á mat á færni og færniþjálfun ásamt þverfaglegri teymisvinnu. 

Smitsjúkdómadeild er 20 rúma sólarhringsdeild, ætluð sjúklingum með bráð lyflæknisvandamál. Deildin sérhæfir sig í smitsjúkdómum en sjúklingahópurinn er fjölbreyttur. 

Gigtar- og almenna lyflækningadeild er 14 rúma legudeild. Deildin er sérhæfð bráðadeild fyrir gigtarsjúklinga en auk þess leita þangað einstaklingar með langvinna- og/ eða bráðasjúkdóma af margvíslegu tagi.

Helstu verkefni og ábyrgð
» Skoðun, mat og meðferð 
» Skráning og skýrslugerð
» Fræðsla til sjúklinga og aðstandenda
» Þátttaka í þverfaglegum teymum
» Þátttaka í fagþróun

Hæfnikröfur
» Íslenskt starfsleyfi sem sjúkraþjálfari
» Faglegur metnaður og ábyrgð í starfi
» Hæfni í mannlegum samskiptum og jákvætt viðmót
» Skipulagshæfni, frumkvæði og sjálfstæð vinnubrögð

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag sjúkraþjálfara hafa gert.
Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. 

Æskilegt að umsækjendur geti hafið störf sem fyrst eða eftir nánara samkomulagi. Umsókn fylgi náms- og starfsferilskrá ásamt afriti af prófskírteini og starfsleyfi.
Tekið er mið af jafnréttisstefnu LSH við ráðningar á spítalanum og eru karlar jafnt sem konur hvött til að sækja um. Öllum umsóknum verður svarað.

Landspítali er lifandi og fjölbreyttur vinnustaður þar sem yfir 5.500 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 50 - 100%
Umsóknarfrestur er til og með 19.11.2018

Nánari upplýsingar veitir
Ragnheiður S Einarsdóttir - [email protected] - 543 9306
Sara Hafsteinsdóttir - [email protected] - 543 9136

LSH Sjúkraþjálfun
Hringbraut

101 Reykjavík


Smelltu hér til að sækja um starfið

 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira