Hoppa yfir valmynd
HeilbrigðisþjónustaHöfuðborgarsvæðið201810/1924Landspítali

Sjúkraþjálfari - hjartadeild og hjartagöngudeild

Sjúkraþjálfari - Hefur þú áhuga á endurhæfingu hjartasjúklinga? 

Við óskum eftir sjúkraþjálfara til starfa á hjartadeildum og hjartagöngudeild Landspítala. Mun viðkomandi vinna náið með öðrum sjúkraþjálfurum innan fagsviðsins. Boðið verður upp á sérhæfða, markvissa þjálfun hjá sérfróðum sjúkraþjálfurum á sviði hjartaendurhæfingar. 

Bráðaþjónustu er sinnt á legudeildum og hjartagátt. Á hjartagöngudeild er hópþjálfun á stigi I ásamt endurhæfingu fyrir t.d. tilvonandi hjartaþega. 

Helstu verkefni og ábyrgð
» Skoðun, mat og meðferð vegna vandamála sem tengjast hjarta
» Skráning og skýrslugerð
» Fræðsla til sjúklinga og aðstandenda
» Þátttaka í þverfaglegum teymum
» Þátttaka í fagþróun

Hæfnikröfur
» Íslenskt starfsleyfi sem sjúkraþjálfari
» Faglegur metnaður og ábyrgð í starfi
» Hæfni í mannlegum samskiptum og jákvætt viðmót
» Skipulagshæfni, frumkvæði og sjálfstæð vinnubrögð

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag sjúkraþjálfara hafa gert.
Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. 

Æskilegt að umsækjandi geti hafið störf sem fyrst eða eftir nánara samkomulagi. Umsókn fylgi náms- og starfsferilskrá ásamt afriti af prófskírteini og starfsleyfi.
Tekið er mið af jafnréttisstefnu LSH við ráðningar á spítalanum og eru karlar jafnt sem konur hvött til að sækja um. Öllum umsóknum verður svarað.

Landspítali er lifandi og fjölbreyttur vinnustaður þar sem yfir 5.500 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 50 - 100%
Umsóknarfrestur er til og með 19.11.2018

Nánari upplýsingar veitir
Ragnheiður S Einarsdóttir - [email protected] - 543 9306
Sara Hafsteinsdóttir - [email protected] - 543 9136

LSH Sjúkraþjálfun
Hringbraut
101 Reykjavík


Smelltu hér til að sækja um starfið

 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira