Hoppa yfir valmynd
Kennsla og rannsóknirHöfuðborgarsvæðið201811/1971Háskóli Íslands

Kennslustjóri/lektor – Læknadeild

Kennslustjóri/lektor – Læknadeild – Háskóli Íslands – Reykjavík

Við Læknadeild Háskóla Íslands er laust til umsóknar 50% starf kennslustjóra. Kennslustjóri gegnir starfi lektors við deildina. Næsti yfirmaður er deildarforseti Læknadeildar.

Helstu verkefni:
Skipulag og þróun kennslu læknanema til BSc gráðu og embættisprófs
Þróun kennslukannana og námsmats innan Læknadeildar í samstarfi við Heilbrigðisvísindasvið og Kennslumiðstöð Háskóla Íslands
Veitir kennsluráði Læknadeildar forstöðu og leiðir fundi þess
Kennsla og rannsóknir sem tengjast sérgrein kennslustjórans
Fylgir eftir reglum deildarinnar um námskröfur
Mat á umsóknum sérfræðilækna með lækninga- og sérfræðileyfi utan EES um lækningaleyfi hér á landi í samstarfi við Embætti landlæknis

Menntunar- og hæfniskröfur:
Próf í læknisfræði og sérfræðileyfi í læknisfræði hér á landi 
Doktorspróf eða þekking og reynsla í samræmi við alþjóðleg viðmið fyrir starfsheiti lektors á fræðasviðinu, staðfest með áliti dómnefndar 
Reynsla af kennslu, stjórnun og skipulagi kennslutengdra verkefna og öðrum störfum sem sérfræðilæknir á heilbrigðisstofnunum hér á landi eða erlendis
Rannsóknavirkni, sjálfstæði og frumkvæði í rannsóknum
Mikil hæfni í mannlegum samskiptum 
Góð íslensku- og enskukunnátta, bæði í ræðu og riti

Við ráðningu verður miðað við, að sá er starfið hlýtur falli sem best að aðstæðum og þörfum Læknadeildar.

Ráðið verður í starfið til fimm ára, með möguleika á ótímabundinni ráðningu að þeim tíma liðnum sbr. 3. mgr. 31. gr. reglna fyrir Háskóla Íslands nr. 569/2009. Rektor er heimilt að veita framgang í starfi strax við nýráðningu uppfylli viðkomandi þau skilyrði sem kveðið er á um í reglum nr. 263/2010 um framgang og tímabundna ráðningu akademískra starfsmanna við Háskóla Íslands.

Um meðferð umsókna, mat á hæfi umsækjenda og ráðningu í starfið er farið eftir ákvæðum laga nr. 85/2008 um opinbera háskóla og reglna um Háskóla Íslands nr. 569/2009.

Laun eru samkvæmt kjarasamningi Félags háskólakennara og fjármálaráðherra.

Gert er ráð fyrir að viðkomandi geti hafið störf sem fyrst á árinu 2019, eftir að lokið er störfum þeirra nefnda sem um málið fjalla.

Umsóknarfrestur er til og með 3. desember 2018.

Sótt er um starfið á vefsíðu Háskóla Íslands undir laus störf

Umsækjendur skulu láta fylgja með umsókn sinni vottorð um námsferil sinn og störf, ritaskrá, skýrslu um vísindastörf og önnur störf sem þeir hafa unnið og rannsóknaráætlun ef til ráðningar kemur. Enn fremur er ætlast til þess að umsækjendur láti fylgja með umsagnir um kennslu- og stjórnunarstörf sín, eftir því sem við á. Ef ekki er unnt að skila fylgigögnum með umsókn á rafrænu formi skal skila þeim í þríriti til vísindasviðs Háskóla Íslands, Sæmundargötu 2, 101 Reykjavík. Öllum umsækjendum verður svarað og þeim tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Nánari upplýsingar um starfið veitir Engilbert Sigurðsson, deildarforseti ([email protected] / s. 543 1000).


Við ráðningar í störf í Háskóla Íslands er tekið mið af jafnréttisáætlun skólans.

Vakin er athygli á málstefnu Háskóla Íslands.

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira