Hoppa yfir valmynd
SérfræðistörfHöfuðborgarsvæðið201811/1967Skattrannskóknarstjóri ríkisins

Sérfræðingur

Sérfræðingur hjá skattrannsóknarstjóra ríkisins

Í boði er áhugavert og krefjandi starf þar sem reynir á öguð vinnubrögð, frumkvæði og sjálfstæði í starfi. Leitað er að framúrskarandi einstaklingi til að leiða uppbyggingu upplýsinga- og skjalamála embættisins og þróa rafrænar lausnir á verkefnasviðum embættisins.

Helstu verkefni og ábyrgð:
Ábyrgð og umsjón með þróun skjalastefnu, verklags við skjalastjórnun og eftirfylgni með framkvæmd hennar.
Þróun og innleiðing rafrænna lausna á verkefnasviðum embættisins.
Umsjón með vefsíðu embættisins og þróun hennar.
Ráðgjöf og fræðsla við stjórnendur og starfsmenn á sviði upplýsinga- og skjalamála.

Menntunar- og hæfniskröfur:
Háskólamenntun sem nýtist í starfi.
Þekking og reynsla af skjalastjórnun er æskileg.
Góð tölvukunnátta er æskileg. 
Þekking á GoPro er kostur.
Þekking á útfærslu rafrænna lausna er kostur.
Frumkvæði, metnaður og sjálfstæði í starfi er nauðsynleg.
Góð samstarfs- og samskiptahæfni er nauðsynleg.

Umsjón með ráðningu hafa Sandra Sveinbjörnsdóttir, fjármálastjóri ([email protected]) og Guðný Bjarnarsdóttir, forstöðumaður stoðsviðs ([email protected]). Þær veita jafnframt nánari upplýsingar um starfið.

Launakjör eru samkvæmt gildandi kjarasamningi fjármála- og efnahagsráðherra  og viðkomandi stéttarfélags. Um starfskjör, réttindi og skyldur fer að öðru leyti eftir lögum um réttindi og skyldur starfsmanna ríkisins nr. 70/1996.

Umsóknarfrestur er til og með 19. nóvember nk. Umsóknir um starfið skulu berast á netfangið [email protected] , merktar „Umsóknir um starf hjá skattrannsóknarstjóra“. Umsókn um starfið þarf að fylgja starfsferilskrá þar sem gerð er grein fyrir ástæðu umsóknar og rökstuðningur fyrir hæfni í starfið, auk prófskírteina. Öllum umsóknum verður svarað þegar ákvörðun um ráðningu hefur verið tekin. Starfshlutfall er 100%. Umsóknir geta gilt í 6 mánuði frá því að umsóknarfrestur rennur út.

Skattrannsóknarstjóri ríkisins fer með rannsóknir skattsvika og annarra skattalagabrota. Jafnframt tekur skattrannsóknarstjóri ákvörðun um og hlutast til um refsimeðferð í kjölfar rannsóknar. Hjá embættinu starfar hópur 30 samheldinna starfsmanna.

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira