Hoppa yfir valmynd
HeilbrigðisþjónustaHöfuðborgarsvæðið201811/1979Landspítali

Námsstaða sérfræðilæknis eða reynds deildarlæknis í augnskurðlækningum

Námsstaða sérfræðilæknis eða reynds deildarlæknis í augnskurðlækningum

Laus er til umsóknar námsstaða sérfræðilæknis eða reynds deildarlæknis í augnlækningum við augndeild Landspítala til eins árs. Um er að ræða 50% námsstöðu í augnskurðlækningum, nánar tiltekið í augnloka-, táraganga- og augntóttaaðgerðum (Oculoplastic). 

Góður starfsandi er ríkjandi á deildinni og þar starfar öflugur hópur starfsmanna. Starfið er laust frá 1. janúar 2019 eða eftir nánara samkomulagi.

Helstu verkefni og ábyrgð
» Sérfræðistörf í samráði við Harald Sigurðsson augnskurðlækni, s.s. greining, meðferð og eftirfylgd sjúklinga með vandamál er tengjast sérgreininni
» Þátttaka í vöktum sérgreinarinnar skilyrði
» Þátttaka í kennslu og vísindavinnu í samráði við Harald Sigurðsson
» Þátttaka í teymisvinnu

Hæfnikröfur
» Umsækjandi þarf að vera sérfræðingur í augnlækningum eða í seinni hluta sérnáms í augnlækningum með ríkan áhuga á frekari sérhæfingu í augnloka-, táraganga og augntóftaaðgerðum.
» Faglegur metnaður og skipulögð vinnubrögð.
» Jákvæðni, sveigjanleiki og lipurð í samskiptum.
» Reynsla í kennslu og vísindavinnu æskileg.
» Íslenskt lækningaleyfi og íslenskt sérfræðileyfi eftir því sem við á.

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Öllum umsóknum verður svarað. Tekið er mið af jafnréttisstefnu LSH við ráðningar á spítalanum.
Viðtöl verða höfð við umsækjendur og byggist ákvörðun um ráðningu í starfið á þeim og innsendum gögnum.

Í umsókn deildarlæknis skulu fylgja náms- og starfsferilskrá ásamt lækningaleyfi. 
Í umsókn sérfræðilæknis skulu fylgja vottfestar upplýsingar um nám, fyrri störf, reynslu af kennslu, vísindavinnu og stjórnunarstörfum ásamt sérprentun af greinum sem umsækjandi kann að hafa birt eða skrifað. 

Landspítali er lifandi og fjölbreyttur vinnustaður þar sem yfir 5.500 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

ATH. Sérfræðilæknir fyllir út lágmarksupplýsingar í almenna umsókn og sendir sem viðhengi, en ítarlegri upplýsingar fyrir læknisstöðu, sjá slóð hér fyrir neðan.

Umsókn um læknisstöðu - umsóknareyðublað Embættis landlæknis

Starfshlutfall er 50%
Umsóknarfrestur er til og með 19.11.2018

Nánari upplýsingar veitir
Gunnar Már Zoéga - [email protected] - 825 5015
Jóhann Ragnar Guðmundsson - [email protected] - 823 7874

LSH Augnlækningar
Eiríksgötu 37
101 Reykjavík


Smelltu hér til að sækja um starfið

 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira