Hoppa yfir valmynd
Önnur störfHöfuðborgarsvæðið201810/1962Landspítali

Ráðgjafi/ stuðningsfulltrúi á Laugarásinn meðferðargeðdeild

Ráðgjafi/ stuðningsfulltrúi óskast á næturvaktir á Laugarásinn meðferðargeðdeild

Ráðgjafi/stuðningsfulltrúi óskast til starfa á næturvaktir á Laugarásinn meðferðargeðdeild á geðsviði Landspítala. Starfshlutfall er samkomulag en æskilegt 80%. Starfið er laust sem fyrst, frá 1. desember 2018 eða 1. janúar 2019.

Deildin er mjög sérhæfð þar sem fram fer fjölbreytt meðferðarstarf fyrir einstaklinga á aldrinum 18-25 ára sem eru nýlega greindir með geðrofssjúkdóm. Starfsemi deildarinnar einkennist af góðum starfsanda, einnig virkri og stöðugri framþróun.
Laugarásinn er opin meðferðargeðdeild sem sinnir 100-120 einstaklingum á hverjum tíma með sólarhringsþjónustu eða á dagdeild. Deildin er staðsett á Laugarásvegi 71.

Helstu verkefni og ábyrgð
» Vinna með unga einstaklinga með geðrænar raskanir
» Sérhæfð verkefni sem tengjast starfi á næturvöktum
» Samskipti, hvatning, leiðbeiningar og víðtækur stuðningur
» Ýmis fjölþætt og mikilvæg verkefni sem starfsemi deildarinnar felur í sér

Hæfnikröfur
» Stúdentspróf að lágmarki og viðbótarmenntun sem nýtist í starfi er kostur
» Lögð er áhersla á góða samstarfshæfni, mikla færni í mannlegum samskiptum, skapandi hugsun og það að geta sýnt frumkvæði í starfi
» Jákvætt hugarfar, sterk sjálfsmynd, metnaður og áhugi fyrir því að starfa við að aðstoða unga einstaklinga 
» Góð almenn tölvukunnátta og færni í mæltu og rituðu máli

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og SFR - stéttarfélag í almannaþjónustu hafa gert.
Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Umsókn fylgi náms- og starfsferilskrá ásamt afriti af prófskírteinum. Öllum umsóknum verður svarað. Tekið er mið af jafnréttisstefnu LSH við ráðningar á spítalanum. 

Landspítali er lifandi og fjölbreyttur vinnustaður þar sem yfir 5.500 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 40 - 80%
Umsóknarfrestur er til og með 23.11.2018

Nánari upplýsingar veitir
Magnús Ólafsson - [email protected] - 824 5537

LSH Laugarásinn meðferðargeðdeild
Laugarásvegi 71
104 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira