Hoppa yfir valmynd
HeilbrigðisþjónustaHöfuðborgarsvæðið201810/1952Landspítali

Sérfræðingur í klínískri sálfræði - Sálfræðiþjónusta á geðsviði

Sérfræðingur í klínískri sálfræði - Sálfræðiþjónusta á geðsviði 

Starf sérfræðings í klínískri sálfræði við sálfræðiþjónustu geðsviðs Landspítala er laust til umsóknar. Leitað er eftir sérfræðingi með framúrskarandi samskiptahæfni, faglegan metnað og áhuga á að vinna í fjölbreyttu starfi í krefjandi þverfaglegu umhverfi. Starfið bíður upp á fjölbreytta möguleika á klínískri starfsþróun, aðkomu að þjálfun og handleiðslu starfsmanna og nema og þróunar- og rannsóknarvinnu.

Hjá sálfræðiþjónustunni starfa 80 sálfræðingar í ólíkum þverfaglegum teymum á ýmsum deildum Landspítala. Sálfræðiþjónustan er í stöðugri framþróun og unnið er að fjölbreyttum umbóta- og rannsóknarverkefnum.

Helstu verkefni og ábyrgð
» Klínísk sálfræðistörf og ráðgjöf á fullorðinssviði
» Þátttaka í þverfaglegri teymisvinnu
» Þátttaka í þróun sálfræðiþjónustu innan sérgreinar
» Kennsla, handleiðsla og fræðsla
» Gæða-, umbóta- og rannsóknastörf

Hæfnikröfur
» Leiðtogahæfileikar og framúrskarandi samskiptahæfni 
» Víðtæk reynsla af sálfræðilegri greiningu og gagnreyndri sálfræðilegri meðferð 
» Hæfni til að vinna sjálfstætt og sýna frumkvæði 
» Reynsla af handleiðslu, kennslu á háskólastigi og vísindavinnu
» Íslenskt sérfræðileyfi í klínískri sálfræði skv. reglugerð nr. 158/1990 eða nr. 1130/2012

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Sálfræðingafélag Íslands hafa gert.
Öllum umsóknum verður svarað. Tekið er mið af jafnréttisstefnu LSH við ráðningar á spítalanum. 

Starfið er laust nú þegar eða samkvæmt samkomulagi. Umsókn skal fylgja ítarleg náms- og starfsferilskrá ásamt afriti af prófskírteinum og starfsleyfi. Umsókn fylgi einnig kynningarbréf með rökstuðningi fyrir hæfni og sýn á starfið. Mat á hæfni umsækjenda byggist á innsendum gögnum og viðtölum við umsækjendur.

Landspítali er lifandi og fjölbreyttur vinnustaður þar sem yfir 5.500 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 80 - 100%
Umsóknarfrestur er til og með 20.11.2018

Nánari upplýsingar veitir
Berglind Guðmundsdóttir - [email protected] - 543 9292
Heiður Magný Herbertsdóttir - [email protected] - 543 4052

LSH Sálfræðiþjónusta H
Hringbraut
101 Reykjavík


Smelltu hér til að sækja um starfið

 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira