Hoppa yfir valmynd
SérfræðistörfHöfuðborgarsvæðið201811/2011Samgöngustofa

Framkvæmdastjóri þjónustusviðs

 
Framkvæmdastjóri þjónustusviðs

Starfið: Samgöngustofa auglýsir lausa til umsóknar stöðu framkvæmdastjóra þjónustusviðs frá 1. janúar 2019. Framkvæmdastjóri ber ábyrgð á starfsemi síns sviðs gagnvart forstjóra og starfar í framkvæmdastjórn Samgöngustofu. Hlutverk þjónustusviðs er að sjá til þess þjónusta Samgöngustofu gangi faglega og vel fyrir sig, ásamt því að vinna að stefnumótun og árangursstjórnun stofnunarinnar í samstarfi við aðra stjórnendur. Framkvæmdastjóri þjónustusviðs hefur yfirumsjón með húsnæðismálum stofnunarinnar, ber ábyrgð á rekstri mötuneytis sem og innkaupum stofnunarinnar á skriffærum og húsgögnum.
Þjónustusvið samanstendur af móttökuveri, þjónustuveri og símaveri auk þess sem mötuneyti stofnunarrinnar tilheyrir sviðinu. Þjónustusvið ber ábyrgð á almennri þjónustu stofnunarinnar við viðskiptavini með móttöku erinda, umsókna og gagna auk símþjónustu. Sviðið sér um skráningar í ökutækjaskrá, skipaskrá og loftfaraskrá auk umsýslu ökuritakorta, leyfisveitinga atvinnuleyfa leigubifreiða, rekstrarleyfa bílaleiga og fl. Þá sér sviðið um umsýslu vegna lögskráninga sjómanna og íslensk atvinnuskírteini í siglingum. Starfshlutfall er 100%. Gert er ráð fyrir að viðkomandi geti hafið störf sem fyrst.

Menntunar- og hæfniskröfur:
Háskólamenntun sem nýtist í starfi. Gerð er krafa um BS eða BA gráðu.
Mikil reynsla úr atvinnulífinu og/eða opinberri stjórnsýslu.
Góð þekking og reynsla af samgöngumálefnum.
Reynsla af þjónustustjórnun.
Leiðtogahæfni og haldgóð stjórnunarreynsla.
Hæfni í mannlegum samskiptum.
Mjög góð kunnátta í íslensku og ensku í ræðu og riti, þekking á norðurlandamáli er kostur.
Vilji og áhugi á samvinnu, samþættingu og þjónustu.
Frumkvæði, skipulögð og nákvæm vinnubrögð og sjálfstæði í starfi

Í boði er spennandi starf hjá metnaðarfullri stofnun í alþjóðlegu umhverfi. Við bjóðum uppá góða starfsaðstöðu og frábæra vinnufélaga. 

Umsóknarfrestur er til 26. nóvember 2018. 

Hægt er að sækja um starfið rafrænt á www.samgongustofa.is/storf

Nánari upplýsingar veitir Ólöf Friðriksdóttir, mannauðsstjóri í síma 480 6000. Öllum umsóknum verður svarað þegar ákvörðun um ráðningu hefur verið tekin. Umsóknir gilda í a.m.k. sex mánuði ef staða losnar á ný. Starfskjör eru í samræmi við kjarasamning ríkisins og viðkomandi stéttarfélags. Samgöngustofa áskilur sér rétt til að hafna öllum umsóknum. . Samgöngustofa hvetur jafnt konur sem karla til að sækja um þessa stöðu.

Hjá Samgöngustofu hlakka um 150 öflugir starfsmenn til þess að þú bætist í hópinn. Lögð er áhersla á jákvæðan og skemmtilegan starfsanda, frumkvæði og þátttöku, auk þess sem mötuneytið er frægt fyrir frábæran mat. Samgöngustofa er stjórnsýslustofnun samgöngumála sem annast eftirlit með flugi, siglingum og umferð. Á hverjum degi erum við að læra hvert af öðru og sinna viðskiptavinum af kostgæfni með það að markmiði að verða betri og betri. Frekari upplýsingar um Samgöngustofu er að finna á vef stofnunarinnar www.samgongustofa.is

Samgöngustofa
www.samgongustofa.is 
Ármúli 2 – 108 Reykjavík
Sími: 480-6000

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira