Hoppa yfir valmynd
SérfræðistörfHöfuðborgarsvæðið201811/2010Samgöngustofa

Lögfræðingur

 
Lögfræðingur

Starfið: Samgöngustofa óskar eftir að ráða lögfræðing til starfa á lögfræðideild stofnunarinnar. Helstu verkefni eru samning lagafrumvarpa og reglugerða, ásamt þátttöku í vinnu við innleiðingu reglugerða Evrópusambandsins á sviði samgöngumála í samvinnu við samgöngu- og sveitarstjórnarráðuneytið. Ráðgjafi annarra starfsmanna í úrvinnslu á erindum sem berast stofnuninni þar sem lögfræðilegrar þekkingar er þörf. Skrif álitsgerða og framsetning lögfræðilegs efnis í riti og á vef. Svar almennra lagalegra fyrirspurna á starfssviði Samgöngustofu, samskipti við innlend stjórnvöld og hagsmunaaðila og þátttaka í alþjóðlegu samstarfi. Starfshlutfall er 100%.

Menntunar- og hæfnikröfur
Grunn- og meistaranám í lögfræði.
Haldgóð reynsla eða þekking á sviði opinberrar stjórnsýslu er nauðsynleg.
Reynsla eða þekking á Evrópurétti og EES-samningnum er nauðsynleg.
Reynsla eða þekking á samgöngumálum er æskileg.
Mjög gott vald á íslensku og ensku, í rituðu og töluðu máli nauðsynlegt.
Góð færni í einu Norðurlandamáli æskileg.
Frumkvæði, skipulögð og nákvæm vinnubrögð og sjálfstæði í starfi.
Gagnrýnin og lausnamiðuð hugsun.
Góð samskiptahæfni, frumkvæði og sjálfstæði í vinnubrögðumþ

Í boði er spennandi starf hjá metnaðarfullri stofnun í alþjóðlegu umhverfi. Við bjóðum uppá góða starfsaðstöðu og frábæra vinnufélaga. 

Umsóknarfrestur er til 26. nóvember 2018. 

Hægt er að sækja um starfið rafrænt á www.samgongustofa.is/storf

Nánari upplýsingar um starfið veitir Kristín Helga Markúsdóttir deildarstjóri lögfræðideildar í síma 480-6000. Öllum umsóknum verður svarað þegar ákvörðun um ráðningu hefur verið tekin. Umsóknir gilda í a.m.k. sex mánuði ef staða losnar á ný. Starfskjör eru í samræmi við kjarasamning ríkisins  og viðkomandi stéttarfélags. Samgöngustofa áskilur sér rétt til að hafna öllum umsóknum. Samgöngustofa hvetur jafnt konur sem karla til að sækja um þessa stöðu.

Hjá Samgöngustofu hlakka um 150 öflugir starfsmenn til þess að þú bætist í hópinn. Lögð er áhersla á jákvæðan og skemmtilegan starfsanda, frumkvæði og þátttöku, auk þess sem mötuneytið er frægt fyrir frábæran mat. Samgöngustofa er stjórnsýslustofnun samgöngumála sem annast eftirlit með flugi, siglingum og umferð. Á hverjum degi erum við að læra hvert af öðru og sinna viðskiptavinum af kostgæfni með það að markmiði að verða betri og betri. Frekari upplýsingar um Samgöngustofu er að finna á vef stofnunarinnar www.samgongustofa.is

Samgöngustofa
www.samgongustofa.is 
Ármúli 2 – 108 Reykjavík
Sími: 480-6000

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira