Hoppa yfir valmynd
SérfræðistörfSuðurnes201811/1994Lögreglustjórinn á Suðurnesjum

Lögreglufulltrúi á Keflavíkurflugvelli

Lögreglufulltrúi - Lögreglustjórinn á Suðurnesjum
 
Við embætti lögreglustjórans á Suðurnesjum er laus til umsóknar staða lögreglufulltrúa með starfsstöð í Flugstöð Leifs Eiríkssonar á Keflavíkurflugvelli, á vegabréfarannsóknarstofu.

Gert er ráð fyrir að skipað verði í stöðuna til næstu 5 ára, frá og með 1. janúar 2019.

Í ljósi ríkjandi kynjahlutfalls innan lögreglu og jafnréttisáætlunar lögreglunnar eru konur jafnt sem karlar hvattar til að sækja um.

Helstu verkefni og ábyrgð
Umsjón og forsvar með vegabréfarannsóknastofu flugstöðvardeildar lögreglustjórans á Suðurnesjum á viðeigandi vakt. Mótun verkefna og skipulags vegabréfarannsóknastofunnar í samráði við yfirmenn flugstöðvardeildar.
Leiðbeinir og stýrir þjálfun og störfum rannsóknarlögreglumanna og eftir atvikum annarra starfsmanna í vegabréfarannsóknastofu.
Skilríkjaskoðanir, skilríkjarannsóknir, andlitssamanburður, skýrslugerðir og eftirfylgni skilríkjamála fyrir dómi.
Afgreiðsla fyrirspurna og erinda frá innlendum sem og erlendum yfirvöldum um skilríkjamál.
Umsjón með úrvinnslu á alþjóðlegum viðvörunum vegna falsana á ferðaskilríkjum auk umsjónar með skilríkjasýnishornasafni.
Umsjón með fingrafara- og ljósmyndatökum af sakamönnum og umsækjendum um alþjóðlega vernd, frágangur, skráning, utanumhald og úrvinnsla.
Að fræða starfsmenn vakta í flugstöðvardeild um fölsunarmál og misnotkun skilríkja. Kennsla og þjálfun í skilríkjafræðum fyrir nýliða í flugstöðvardeild sem og fyrir önnur embætti og stofnanir eftir atvikum.
Umsjón og ábyrgð á erlendum samskiptum og verkefnum er varða skilríkjamál og vegabréfarannsóknastofan sinnir fyrir hönd Íslands í alþjóðlegu samstarfi.
Móttaka íslenskra jafnt sem útlendra gesta fyrir hönd vegabréfarannsóknastofunnar og kynning á starfsemi hennar.

Kveðið er á um verkefni lögreglu í 2. tl. 1. gr. lögreglulaga nr. 90/1996 og um verkefni lögreglufulltrúa í 8. gr. reglugerðar um starfsstig innan lögreglunnar nr. 1051/2006.

Hæfnikröfur
Skilyrði er að umsækjandi hafi reynslu af skilríkjarannsóknum, hafi sótt aukið námskeið (e. advanced level) í skilríkjafræðum hjá Evrópusambandinu, búi að mikilli þekkingu á öryggisatriðum og fölsunarþáttum skilríkja og hafi góða hæfni til andlitssamanburðar. 
Skilyrði er að viðkomandi hafi a.m.k. 5 ára reynslu af skilríkjarannsóknum.
Umsækjendur þurfa að hafa mjög gott vald á íslensku og ensku máli, bæði mæltu og rituðu, hafa hæfni í mannlegum samskiptum og hafa góða tölvukunnáttu.
Háskólamenntun er kostur.
Aukin menntun og önnur reynsla sem nýtist í starfi er einnig kostur. Nauðsynlegt er að viðkomandi hafi yfir að ráða skipulagshæfni, sveigjanleika og vandvirkni í vinnubrögðum, auk frumkvæðis í starfi, færni í samskiptum og hæfni til að vinna undir álagi. 
Umsækjendur skulu hafa lokið prófi frá Lögregluskóla ríkisins eða diplómaprófi í lögreglufræðum sem jafngildir a.m.k. 120 stöðluðum námseiningum, þ.m.t. starfsnám á vegum lögreglunnar. Þeir þurfa að hafa starfað sem lögreglumenn í að minnsta kosti tvö ár frá því að prófi frá Lögregluskóla ríkisins eða diplómanámi lauk.

Þeir umsækjendur sem uppfylla hæfisskilyrðin verða boðaðir í viðtal og umsagna aflað um þá.

Kveðið er á um réttindi og skyldur lögreglumanna í lögum um réttindi og skyldur starfsmanna ríkisins nr. 70/1996.

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Landssamband lögreglumanna hafa gert.
Eftirfarandi upplýsingum er beint til umsækjenda. Samkvæmt 28. gr. a. lögreglulaga nr. 90/1996 er mælt fyrir um að engan megi skipa, setja eða ráða til starfa hjá lögreglu sem hefur gerst sekur um refsivert athæfi sem telja má svívirðilegt að almenningsáliti eða sýnt af sér háttsemi sem getur rýrt það traust sem starfsmenn lögreglu verða almennt að njóta. Til þess að staðreyna þetta er lögreglu heimilt að afla upplýsinga úr sakaskrá og málaskrám lögreglu.

Umsóknir sem berast eftir að umsóknarfresti lýkur verða ekki teknar til greina.
Öllum umsóknum verður svarað þegar ákvörðun um skipun liggur fyrir.

Auglýsing þessi gildir í 6 mánuði, sbr. ákvæði 3. tl. 2. mgr. 2. gr. reglna nr. 464/1996 um auglýsingar á lausum störfum með síðari breytingum.

Sækja skal um stöðuna með rafrænum hætti á vef Starfatorgs, www.starfatorg.is Umsækjendur eru vinsamlegast beðnir um að vanda umsóknir sínar. Skal ferilskrá og kynningarbréf fylgja umsókn.
 
Starfshlutfall er 100%
Umsóknarfrestur er til og með 26.11.2018

Nánari upplýsingar veitir
Sigurgeir Ómar Sigmundsson - [email protected] - 4442200
Magnús Kristinsson - [email protected] - 4442200

LTSN Lögr. Flugstöðvardeild
Flugstöð Leifs Eiríkssonar
235 Keflavíkurflugvöllur


Smelltu hér til að sækja um starfið

 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira