Hoppa yfir valmynd
SérfræðistörfSuðurnes201811/1996Lögreglustjórinn á Suðurnesjum

Rannsóknarlögreglumaður í Reykjanesbæ

Rannsóknarlögreglumaður - Lögreglustjórinn á Suðurnesjum

Við embætti lögreglustjórans á Suðurnesjum er laus til umsóknar staða rannsóknarlögreglumanns í almennri deild með aðsetur í Reykjanesbæ. Skipað verður í stöðuna til 5 ára, frá og með 1. janúar 2019.

Helstu verkefni og ábyrgð
Kveðið er á um réttindi og skyldur lögreglumanna í lögum um réttindi og skyldur starfsmanna ríkisins nr. 70/1996.

Almennar upplýsingar um verksvið og ábyrgð rannsóknarlögreglumanns má finna í 9. gr. reglugerðar um starfstig innan lögreglunnar nr. 1051/2006. Starfið felst m.a. í umsjón með rannsóknum mála á vakt, eftirfylgni með rannsóknum, skýrsluritun og frágangi málsgagna

Hæfnikröfur
Umsækjendur skulu hafa lokið prófi frá Lögregluskóla ríkisins eða diplómanámi í lögreglufræðum sem jafngildir a.m.k. 120 stöðluðum námseiningum, þ.m.t. starfsnámi á vegum lögreglunnar. Umsækjandi skal hafa starfað sem lögreglumaður í að minnsta kosti 2 ár frá því að hann lauk prófi frá Lögregluskóla ríkisins eða diplómanámi. Aukin menntun og önnur reynsla sem nýtist í starfi er kostur. Þeir umsækjendur sem uppfylla hæfisskilyrðin verða boðaðir í viðtal og umsagna aflað um þá.

Góð þekking á lögreglukerfinu (LÖKE) er æskileg. Áhugi á rannsóknum mála er mikilvægur og reynsla af lögreglustarfi og rannsóknum mála er kostur. Færni í mannlegum samskiptum, góðir skipulagshæfileikar, frumkvæði, nákvæm og traust vinnubrögð, sveigjanleiki og hæfni til að vinna undir álagi eru góðir eiginleikar.

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Landssamband lögreglumanna hafa gert.
Starfið er vaktavinna og unnið er eftir 5-5-4 kerfi á 12 tíma vöktum.

Eftirfarandi upplýsingum er beint til umsækjenda. Samkvæmt 28. gr. a. lögreglulaga nr. 90/1996 er mælt fyrir um að engan megi skipa, setja eða ráða til starfa hjá lögreglu sem hefur gerst sekur um refsivert athæfi sem telja má svívirðilegt að almenningsáliti eða sýnt af sér háttsemi sem getur rýrt það traust sem starfsmenn lögreglu verða almennt að njóta. Til þess að staðreyna þetta er lögreglu heimilt að afla upplýsinga úr sakaskrá og málaskrám lögreglu.

Umsóknir sem berast eftir að umsóknarfresti lýkur verða ekki teknar til greina. Öllum umsóknum verður svarað þegar ákvörðun um setningu liggur fyrir.

Auglýsing þessi gildir í 6 mánuði, sbr. ákvæði 3. tl. 2. mgr. 2. gr. reglna nr. 464/1996 um auglýsingar á lausum störfum með síðari breytingum.

Sækja skal um stöðurnar með rafrænum hætti á vef Starfatorgs, www.starfatorg.is. Umsækjendur eru vinsamlegast beðnir um að vanda umsóknir sínar og það er kostur að ferilskrá og kynningarbréf fylgi umsókn.

Í ljósi ríkjandi kynjahlutfalls innan lögreglu og jafnréttisáætlunar lögreglunnar eru konur jafnt sem karlar hvattar til að sækja um.
 
Starfshlutfall er 100%
Umsóknarfrestur er til og með 26.11.2018

Nánari upplýsingar veitir
Bjarney Sólveig Annelsdóttir - [email protected] - 444 2200
Gunnar Ólafur Schram - [email protected] - 444 2200

LTSN Lögr. Almenn deild
Hringbraut 130
230 Keflavík


Smelltu hér til að sækja um starfið

 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira