Hoppa yfir valmynd
SérfræðistörfHöfuðborgarsvæðið201811/2012Háskóli Íslands

Verkefnisstjóri starfsþróunar við Menntavísindasvið

Verkefnisstjóri starfsþróunar við Menntavísindasvið

Verkefnastjóri starfsþróunar heyrir undir forstöðumann Menntavísindastofnunar og starfar í nánu samstarfi við deildir Menntavísindasviðs. Miðað er við að starfshlutfallið sé 50%, en hærra starfshlutfall kemur einnig til greina. Leitað er að kraftmiklum og hugmyndaríkum aðila til að bætast í fjölbreyttan starfsmannahóp sviðsins.

Meginhlutverk starfsþróunarstjóra 
>> Verkefnastjóri starfsþróunar ber ábyrgð á starfsemi starfsþróunar í samstarfi við forstöðumann Menntavísindastofnunar, kennara, deildarforseta og starfsfólk sviðsins.
>> Vinna að því að sú starfsþróun sem Menntavísindasvið stendur fyrir verði markviss.
>> Byggja upp samstarf við menntastofnanir, fagfélög, sveitarfélög og aðra fagaðila um starfsþróun.
>> Styðja við nýsköpunar- og þróunarverkefni á fræðasviðinu.

Helstu verkefni og ábyrgð
>> Kemur að stefnumótun og framboði starfsþróun fyrir ólíkar fagstéttir, m.a. kennara á öllum skólastigum, þroskaþjálfa, tómstunda- og félagsmálafræðinga, íþrótta- og heilsufræðinga og uppeldis- og menntunarfræðinga.
>> Samstarf og gerð samninga við skóla, fræðsluskrifstofur, æskulýðsvettvanginn, sveitarfélög og aðrar stofnanir um starfsþróun á þeirra vettvangi.
>> Skipuleggur námskeið, fræðslu og ráðstefnur.
>> Kemur að gerð fjárhagsáætlana og tilboða í verkefni.
>> Hefur umsjón með að verkefni séu unnin, fylgist með framvindu og sér til að nauðsynlegur verkfæri og aðbúnaður sé fyrir hendi.
>> Hefur umsjón með upplýsingum um starfsþróun á ytri vef Menntavísindasviðs.
>>Tekur þátt í vinnu nefnda og ráða sem lúta að þeim vettvangi sem stofnunin kemur að.

Hæfnikröfur
>> Meistarapróf á sviði menntavísinda eða skyldum fræðasviðum
>> Reynsla af starfi á sviði menntunar, æskulýðs- eða velferðarmála
>> Sérþekking á starfsþróun, fullorðinsfræðslu og símenntun er kostur
>> Haldgóð reynsla af verkefnastjórnun er kostur
>> Leiðtogahæfni og frumkvæði
>> Sjálfstæði í vinnubrögðum og framúrskarandi samskiptahæfni
>> Hæfni til miðlunar í töluðu og rituðu máli

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.
Sótt er um starfið á vefsíðu Háskóla Íslands undir laus störf. 

Gert er ráð fyrir að umsækjandi hefji störf sem fyrst eða samkvæmt nánara samkomulagi. 

Eftirfarandi gögn skulu fylgja umsókn:
I. Ferilskrá
II. Bréf þar sem áhuga á starfinu er lýst og fjallað um hvað umsækjandi telur sig
geta lagt af mörkum til þess
III. Staðfest afrit af prófskírteinum
IV. Upplýsingar um umsagnaraðila

Öllum umsóknum verður svarað og umsækjendum verður tilkynnt um ráðstöfun starfsins þegar ákvörðun hefur verið tekin. Umsóknir geta gilt innan Háskólans í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans.

Vakin er athygli á málstefnu Háskóla Íslands.

Háskóli Íslands veitir nemendum víðtæka menntun á öllum helstu fræðasviðum og þjónar stofnunum, fyrirtækjum og stjórnvöldum í þágu almannaheilla. Háskóli Íslands leggur sig fram um að vera eftirsóttur vinnustaður þar sem starfsfólk sýnir kostgæfni og fær notið sín í starfi. Megin gildi háskólans eru akademískt frelsi, fagmennska og jafnrétti. Háskóli Íslands er í hópi 250 bestu háskóla heims samkvæmt matslista Times Higher Education.

Starfshlutfall er 50 - 100%
Umsóknarfrestur er til og með 26.11.2018

Nánari upplýsingar veitir
Kristín Harðardóttir - [email protected] - 525 4165

HÍ Menntavísindasvið stjórnsýsla
Stakkahlíð
105 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira