Hoppa yfir valmynd
HeilbrigðisþjónustaHöfuðborgarsvæðið201812/2153Heilsugæsla höfuðborgarsvæðisins

Heilsugæslulæknir við Heilsugæsluna Mosfellsumdæmi

Heilsugæslulæknir við Heilsugæsluna Mosfellsumdæmi - framlengd auglýsing
 
Laust er til umsóknar starf heilsugæslulæknis við Heilsugæsluna Mosfellsumdæmi. Æskilegt er að viðkomandi geti hafið störf sem fyrst eða eftir nánara samkomulagi. Starfshlutfall er 100% en lægra starfshlutfall kemur til greina.

Heilsugæslan Mosfellsumdæmi þjónar íbúum í Mosfellsbæ, Kjalarnesi og Kjós. Nánari upplýsingar um starfsemi stöðvarinnar má finna á vef Heilsugæslunnar (www.heilsugaeslan.is).

Helstu verkefni og ábyrgð
Starfssvið heilsugæslulæknis er víðtækt og felst m.a. í almennum lækningum, heilsuvernd og síðdegisvakt. Heilsugæslulæknir er virkur þátttakandi í þróun og uppbyggingu heimilislækninga, sinnir kennslu starfsfólks og nema og tekur þátt í vísinda-, þróunar- og gæðastarfi. Um er að ræða spennandi vettvang fyrir lækni sem áhuga hefur á nýsköpun og framþróun í heilsugæslu.

Hæfnikröfur
- Æskilegt er að umsækjandi hafi sérfræðimenntun í heimilislækningum eða reynslu af vinnu í heilsugæslu
- Faglegur metnaður, sjálfstæði í starfi, frumkvæði og öguð vinnubrögð
- Góð hæfni í mannlegum samskiptum
- Góð íslenskukunnátta skilyrði 

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.
Umsókn skal fylgja ítarleg náms- og starfsferilskrá ásamt gögnum sem staðfesta menntun, fyrri störf, vísinda- og kennslustörf. Einnig er óskað eftir kynningarbréfi á umsækjanda og ástæðu umsóknar. Þau gögn sem ekki er hægt að senda rafrænt skulu berast Svövu Þorkelsdóttur, framkvæmdastjóra mannauðs og nýliðunar Heilsugæslu höfuðborgarsvæðisins, Álfabakka 16, 109 Reykjavík. 

Viðtöl verða höfð við umsækjendur og byggist ákvörðun um ráðningu í starfið á þeim og innsendum gögnum. Öllum umsóknum verður svarað þegar ákvörðun um ráðningu liggur fyrir. Umsókn getur gilt í allt að 6 mánuði.

Tekið er mið af jafnréttisstefnu Heilsugæslu höfuðborgarsvæðisins við ráðningu í starfið. 

Starfshlutfall er 100%
Umsóknarfrestur er til og með 27.12.2018

Nánari upplýsingar veitir
Svanhildur Þengilsdóttir - [email protected] - 513-6050
Þórir Björn Kolbeinsson - [email protected] - 513-6050

HH Mosfellsumdæmi lækningar
Þverholti 2
270 Mosfellsbær


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira