Hoppa yfir valmynd
Kennsla og rannsóknirHöfuðborgarsvæðið201812/2168Háskóli Íslands

Framhaldsnámsstjóri við Heilbrigðisvísindasvið

Framhaldsnámsstjóri við Heilbrigðisvísindasvið Háskóla Íslands
 
Laust er til umsóknar fullt starf framhaldsnámsstjóra á Heilbrigðisvísindasviði Háskóla Íslands. 

Viðkomandi hefur aðsetur á skrifstofu Heilbrigðisvísindasviðs í Læknagarði við Vatnsmýrarveg 16 og er þar hluti af þjónustukjarna sviðsins. Skrifstofan sér um margvísleg verkefni fyrir sviðið, s.s. alþjóðamál, fjármál, kennslumál, rannsóknaþjónustu, markaðs- og kynningarmál, starfsmannamál o.fl.

Framhaldsnámsstjóri vinnur að því að efla framhaldsnám á Heilbrigðisvísindasviði, hann er í náinni samvinnu við doktorsnámsnefnd sviðsins sem og aðrar rannsóknanámsnefndir sviðsins, umsjónarmenn framhaldsnáms í deildum og Miðstöð framhaldsnáms Háskóla Íslands. 

Helstu verkefni og ábyrgð
Viðhalda og efla gæði framhaldsnáms í samræmi við reglur og markmið.
Leiðbeina og stuðla að tilhögun framhaldsnáms í samræmi við hæfniviðmið og kröfur.
Vera tengiliður við miðlæga stjórnsýslu hvað varðar málefni framhaldsnáms sviðsins.
Kemur að úrlausn ýmissa nemamála.
Skipuleggja námskeið og fræðslu fyrir leiðbeinendur og nemendur í samvinnu við doktorsnámsnefnd og Miðstöð framhaldsnáms.
Styður og leiðbeinir um þverfræðilegt nám, skiptinám og alþjóðasamstarf um nám.
Viðhalda góðu upplýsingaflæði og samvinnu um framhaldsnám innan sviðs sem utan.
Umsjón með skráningu og vistun upplýsinga um framhaldsnám.
Umsjón með upplýsingum í kennsluskrá, á vef og í kynningarefni.

Hæfnikröfur
Meistarapróf sem nýtist í starfi. Æskilegt er að viðkomandi hafi einnig lokið doktorsprófi.
Gott vald á upplýsingatækni og hæfni til að tileinka sér nýjungar á því sviði.
Mjög góð tök á mæltu og rituðu máli á íslensku og ensku.
Fagmennska, frumkvæði og sjálfstæði í starfi.
Mjög góð færni í mannlegum samskiptum og rík þjónustulund. 
Reynsla af störfum í háskólaumhverfi telst kostur.

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.
Viðkomandi þarf að geta hafið störf sem fyrst. 

Eftirfarandi gögn skulu fylgja umsókn:
I. Ferilskrá
II. Bréf þar sem áhuga á starfinu er lýst og fjallað um hvað umsækjandi telur sig geta lagt af mörkum til þess
III. Staðfest afrit af prófskírteinum
IV. Upplýsingar um umsagnaraðila

Öllum umsóknum verður svarað og umsækjendum verður tilkynnt um ráðstöfun starfsins þegar ákvörðun hefur verið tekin. Umsóknir geta gilt innan Háskólans í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans.

Vakin er athygli á málstefnu Háskóla Íslands.

Heilbrigðisvísindasvið er eitt af fimm fræðasviðum Háskóla Íslands. Innan sviðsins eru sex deildir; Hjúkrunarfræðideild, Lyfjafræðideild, Læknadeild, Matvæla- og næringarfræðideild, Sálfræðideild og Tannlæknadeild. Starfsmenn sviðsins eru um 300 og nemendur um 2200.

Háskóli Íslands er stærsta kennslu- og rannsókna- og vísindastofnun Íslands og er í hópi 250 bestu háskóla heims samkvæmt matslista Times Higher Education.

Starfshlutfall er 100%
Umsóknarfrestur er til og með 07.01.2019

Nánari upplýsingar veitir
Inga Þórsdóttir - [email protected] - 525 4823
Ása Vala Þórisdóttir - [email protected] - 525 4835

HÍ Heilbrigðisvísindasvið stjórnsýsla
v/Vatnsmýrarveg
101 Reykjavík


Smelltu hér til að sækja um starfið

 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira