Hoppa yfir valmynd
HeilbrigðisþjónustaHöfuðborgarsvæðið201812/2171Heilsugæsla höfuðborgarsvæðisins

Heilsugæslulæknir við Heilsugæsluna Efra-Breiðholti

Heilsugæslulæknir við Heilsugæsluna Efra-Breiðholti
 
Laust er til umsóknar ótímabundið starf sérfræðings í heimilislækningum við Heilsugæsluna Efra-Breiðholti. Um er að ræða 100% starf en möguleiki er á minna starfshlutfalli. Æskilegt er að viðkomandi geti hafið störf sem fyrst eða eftir nánari samkomulagi. 

Á heilsugæslustöðinni eru starfandi sérfræðingar í heimilislækningum ásamt barnalækni, sálfræðingi, hjúkrunarfræðingum, ljósmæðrum og riturum. 

Heilsugæslan Efra Breiðholti er hverfisstöð og er fyrst og fremst ætlað að þjóna íbúum Efra-Breiðholts. Nánari upplýsingar um starfsemi stöðvarinnar má finna á vef Heilsugæslunnar (www.heilsugaeslan.is). 

Helstu verkefni og ábyrgð
Starfssvið heilsugæslulæknis er æði víðtækt og felst m.a. í almennum lækningum, heilsuvernd, vaktþjónustu og kennslu nema. Hann veitir fræðslu og upplýsingar og leiðbeinir skjólstæðingum og aðstandendum. Heilsugæslulæknir er ennfremur virkur þátttakandi í þróun sinnar faggreinar innan starfsstöðvar. 

Hæfnikröfur
- Sérfræðimenntun í heimilislækningum 
- Góð skipulagshæfni 
- Sjálfstæð og öguð vinnubrögð
- Mikil hæfni í mannlegum samskiptum 
- Reynsla af klínískum kennslustörfum og teymisvinnu er æskileg 
- Íslenskukunnátta er skilyrði

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.
Stéttarfélag er Læknafélag Íslands.

Umsókn skal fylgja ítarleg náms- og starfsferilskrá þar sem gerð er grein fyrir ástæðu umsóknar og kynningarbréf þar sem fram kemur rökstuðningur fyrir hæfni viðkomandi í starfið. Jafnframt skal leggja fram staðfestar upplýsingar um læknismenntun, læknisstörf, vísinda- og rannsóknarstörf. Gögn sem ekki er hægt að senda rafrænt skulu berast Svövu Þorkelsdóttur, framkvæmdastjóra mannauðs og nýliðunar Heilsugæslu höfuðborgarsvæðisins, Álfabakka 16, 109 Reykjavík. 

Mat á hæfni umsækjenda byggist á innsendum gögnum og viðtölum við umsækjendur. Öllum umsóknum verður svarað þegar ákvörðun um ráðningu hefur verið tekin.

Tekið er mið af jafnréttisstefnu Heilsugæslu höfuðborgarsvæðisins við ráðningu í starfið. Umsókn getur gilt í 6 mánuði.

Starfshlutfall er 100%
Umsóknarfrestur er til og með 27.12.2018

Nánari upplýsingar veitir
Nanna Sigríður Kristinsdóttir - [email protected] - 513-5300

HH Efra Breiðholti lækningar
Hraunbergi 6

111 Reykjavík


Smelltu hér til að sækja um starfið

 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira