Hoppa yfir valmynd
Kennsla og rannsóknirHöfuðborgarsvæðið201812/2166Háskóli Íslands

Lektor í lífeindafræði – Heilbrigðisvísindasvið

Lektor í lífeindafræði – Heilbrigðisvísindasvið - Háskóla Íslands – Reykjavík 

Laust er til umsóknar 50% starf lektors í lífeindafræði við Námsbraut í lífeindafræði innan Læknadeildar Háskóla Íslands. Í starfinu felst einkum kennsla og rannsóknir í líffærameinafræði með megináherslu á aðferðafræði.

Forsenda fyrir ráðningu lektors er að viðkomandi sé jafnframt í hlutastarfi á rannsóknastofu á Landspítala og hafi þar aðstöðu til að sinna klínískri kennslu nemenda í lífeindafræði. 

Sem lektor mun sá sem ráðinn verður uppfylla sína kennsluskyldu innan Námsbrautar í lífeindafræði. Þá stundar hlutaðeigandi rannsóknir í sinni sérgrein á fræðasviðinu.

Menntunar- og hæfniskröfur: 
Doktorspróf í lífeindafræði eða önnur menntun sem jafnað verður til doktorsprófs, eða jafngild hæfni að mati dómnefndar. 
Góð reynsla af háskólakennslu í viðkomandi fagi, fræðilegri og klínískri.
Rannsóknavirkni á fræðasviðinu, sjálfstæði og frumkvæði í rannsóknum.
Reynsla af öflun styrkja til rannsóknarstarfa er kostur.
Hæfni í mannlegum samskiptum, áreiðanleiki, frumkvæði og sjálfstæði í vinnubrögðum, ásamt góðri færni í að miðla eigin þekkingu.

Við ráðningu verður miðað við, að sá er starfið hlýtur falli sem best að aðstæðum og þörfum Námsbrautar í lífeindafræði innan Læknadeildar.

Ráðið verður í starfið til fimm ára, með möguleika á ótímabundinni ráðningu að þeim tíma liðnum sbr. 3. mgr. 31. gr. reglna fyrir Háskóla Íslands nr. 569/2009. Rektor er heimilt að veita framgang í starfi strax við nýráðningu uppfylli viðkomandi þau skilyrði sem kveðið er á um í reglum nr. 263/2010 um framgang og tímabundna ráðningu akademískra starfsmanna við Háskóla Íslands.

Um meðferð umsókna, mat á hæfi umsækjenda og ráðningu í starfið er farið eftir ákvæðum laga nr. 85/2008 um opinbera háskóla og reglna um Háskóla Íslands nr. 569/2009.

Laun eru samkvæmt kjarasamningi Félags háskólakennara og fjármálaráðherra.

Nánari upplýsingar um starfið veitir Martha Á. Hjálmarsdóttir, dósent og námsbrautarstjóri (s. 525-4898 / [email protected]).

Gert er ráð fyrir að ofangreint starf verði veitt frá 1. ágúst 2019, enda verði störfum nefnda, sem um ráðninguna fjalla, þá lokið.

Umsóknarfrestur er til og með 4. febrúar 2019. 

Sótt er um starfið á vefsíðu Háskóla Íslands undir laus störf

Umsækjendur skulu láta fylgja með umsókn sinni vottorð um námsferil sinn og störf, ritaskrá, skýrslu um vísindastörf og önnur störf sem þeir hafa unnið og rannsóknaráætlun ef til ráðningar kemur. Enn fremur er ætlast til þess að umsækjendur láti fylgja með umsagnir um kennslu- og stjórnunarstörf sín, eftir því sem við á. Ef ekki er unnt að skila fylgigögnum með umsókn á rafrænu formi skal skila þeim í þríriti til vísindasviðs Háskóla Íslands, Sæmundargötu 2, 101 Reykjavík. 

Öllum umsækjendum verður svarað og þeim tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningar í störf í Háskóla Íslands er tekið mið af jafnréttisáætlun skólans.

Vakin er athygli á málstefnu Háskóla Íslands
 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira