Hoppa yfir valmynd
HeilbrigðisþjónustaHöfuðborgarsvæðið201901/24Greiningar- og ráðgjafastöð ríkisins

Iðjuþjálfi

Starf iðjuþjálfa hjá Greiningar- og ráðgjafarstöð ríkisins.

Iðjuþjálfi óskast til starfa á Greiningar- og ráðgjafarstöð ríkisins. Um er ræða fastráðningu, í 80-100% starfshlutfall, á svið langtímaeftirfylgdar. Gert er ráð fyrir að viðkomandi geti hafið störf í vormisseri 2019 eða eftir nánara samkomulagi.

Starfssvið
Mat, ráðgjöf og eftirfylgd vegna barna og unglinga með alvarleg þroskafrávik
Samvinna og ráðgjöf til barnanna, fjölskyldna þeirra og annarra fagaðila, varðandi daglega færni, notkun hjálpartækja, aðgengismál og fleira
Vinna í þverfaglegu teymi
Gert er ráð fyrir þátttöku í fræðslu- og rannsóknarstarfi stofnunarinnar

Menntunar- og hæfniskröfur
Íslenskt starfsleyfi sem iðjuþjálfi
Þekking og reynsla á iðjuþjálfun barna
Viðkomandi þarf að sýna frumkvæði og sjálfstæði í vinnubrögðum
Hæfni til þverfaglegs samstarfs og góð færni í samskiptum nauðsynleg
Reynsla í að meta þörf á hjálpartækjum, sækja um og fylgja eftir
Þekking og áhugi á tölvu- og tæknitengdum lausnum er æskileg

Laun og kjör eru skv. gildandi kjarasamningi ríkisins og viðkomandi stéttarfélags. Frekari upplýsingar gefa Ingólfur Einarsson sviðsstjóri eða Hrönn Björnsdóttir verkefnastjóri hjá  langtímaeftirfylgd í síma 510 8400.

Umsóknir, ásamt upplýsingum um menntun og fyrri störf, berist Greiningar- og ráðgjafarstöð ríkisins, Digranesvegi  5, 200 Kópavogi, eða í tölvupósti á [email protected] fyrir 1. febrúar 2019. Öllum umsóknum verður svarað.

Vegna kynjasamsetningar á vinnustaðnum eru karlmenn hvattir til að sækja um.

Litið verður svo á að umsóknir gildi í sex mánuði frá því að umsóknarfresti lýkur.

Hlutverk Greiningar- og ráðgjafarstöðvar ríkisins er að tryggja að börn með alvarlegar þroskaskerðingar sem leitt geta til fötlunar síðar á ævinni fái greiningu, ráðgjöf og önnur úrræði sem bæta lífsgæði þeirra, sjá nánar á www.greining.is

Greiningar- og ráðgjafarstöð ríkisins er framsækin stofnun með fjölskylduvæna starfsmannastefnu sem býður m.a. upp á sveigjanlegan vinnutíma.  Nýir starfsmenn fá handleiðslu og starfsþjálfun á aðlögunartíma og er lögð áhersla á þróun í starfi og tækifæri til sí- og endurmenntunar.

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira