Hoppa yfir valmynd
Kennsla og rannsóknirHöfuðborgarsvæðið201901/19Háskóli Íslands

Lektor í heimspeki

Lektor í heimspeki
Sagnfræði- og heimspekideild – Hugvísindasvið Háskóla Íslands

Laust er til umsóknar fullt starf lektors í heimspeki við Sagnfræði- og heimspekideild Hugvísindasviðs Háskóla Íslands. 

Starfssvið
Að sinna kennslu í hagnýtri siðfræði, þar á meðal námskeiðinu Siðfræði vísinda og rannsókna, og samþættingu faglegs náms og siðfræði á öllum fræðasviðum Háskólans.
Að stunda rannsóknir á sviði heimspeki eða hagnýtrar siðfræði. 

Hæfniskröfur
Doktorspróf í heimspeki eða hagnýtri siðfræði.
Rannsóknavirkni og staðgóð þekking á fræðasviðinu, sjálfstæði og frumkvæði í rannsóknum.
Æskilegt er að umsækjandi hafi reynslu af kennslu í hagnýtri siðfræði eða skyldum greinum.
Góð samstarfshæfni og lipurð í mannlegum samskiptum.

Við ráðningu verður miðað við að sá er starfið hlýtur falli sem best að aðstæðum og þörfum námsbrautar í heimspeki við Sagnfræði- og heimspekideild Háskóla Íslands.

Umsóknarferli
Ráðið verður í starfið frá 1. júlí 2019 til fimm ára með möguleika á ótímabundinni ráðningu að þeim tíma liðnum sbr. 3. mgr. 31. gr. reglna fyrir Háskóla Íslands nr. 569/2009.

Umsóknarfrestur er til og með 11. febrúar 2019.

Sótt er um starfið á vefsíðu Háskóla Íslands undir laus störf. 

Umsækjendur skulu láta fylgja umsókn sinni
feril- og ritaskrá,
vottorð um námsferil sinn,
skýrslu um vísindastörf og önnur störf sem þeir hafa unnið,
greinargerð um áform á sviði rannsókna og kennslu ef til ráðningar kemur.

Í umsókn skal koma fram hver ritverka sinna, allt að átta talsins, umsækjandi telur veigamest með tilliti til þess starfs sem um ræðir. Umsækjandi sendir eingöngu þessi ritverk sín með umsókn, eða vísar til þess hvar þau eru aðgengileg á rafrænu formi. Þegar fleiri en einn höfundur stendur að innsendu ritverki skulu umsækjendur gera grein fyrir framlagi sínu til verksins. Enn fremur er ætlast til þess að umsækjendur láti fylgja með umsagnir um kennslu- og stjórnunarstörf sín, eftir því sem við á.

Umsókn og umsóknargögn sem ekki er skilað rafrænt skal skila í tvíriti til vísinda- og nýsköpunarsviðs Háskóla Íslands, Sæmundargötu 2, 101 Reykjavík. 

Um meðferð umsókna, mat á hæfi umsækjenda og ráðningu í starfið er farið eftir ákvæðum laga um opinbera háskóla nr. 85/2008 og reglna fyrir Háskóla Íslands nr. 569/2009.

Öllum umsækjendum verður svarað og þeim tilkynnt um ráðstöfun starfsins þegar ákvörðun hefur verið tekin. Umsóknir geta gilt í allt að 6 mánuði frá lokum umsóknarfrests. 

Laun eru samkvæmt kjarasamningi Félags háskólakennara og fjármálaráðherra.

Nánari upplýsingar um starfið veitir Björn Þorsteinsson námsbrautarformaður í síma 525 4358, netfang [email protected], og Ásdís Guðmundsdóttir kennslustjóri í síma 525 4348, netfang [email protected].

Innan Háskóla Íslands eru fimm fræðasvið og deildir skólans eru 25 talsins. Háskóli Íslands býður fjölbreytt nám á öllum stigum og er eini háskóli landsins sem býður grunnnám og framhaldsnám á öllum helstu fræðasviðum. Jafnframt er Háskóli Íslands öflugur rannsóknaháskóli á alþjóðlega vísu og hafa vísindamenn Háskólans hlotið fjölmargar alþjóðlegar viðurkenningar fyrir vísindastörf sín.

Við ráðningu í störf í Háskóla Íslands er tekið mið af jafnréttisáætlun skólans.

Vakin er athygli á málstefnu Háskóla Íslands.

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira